(47. Beggar.)
¶ "Lat þe diuinës of hym speke & muse
Line 323
Where his soule is by-come, or whider gon;
Myn vnkonyng of þat me schal excuse,
Of whiche materë knowleche haue I non.
But woldë [wolde R, wold H.] god, tho cristes foos echon,
Line 327
Þat as he heeldë [helde R, held H.] were I-seruëd soo,
ffor I am seur þat þer ben many moo,
Line 329
(48. Beggar.)
¶ "The more ruthe is: allas! what men ben þey
Line 330
Þat hem delyten in swiche surquidrie?
ffor mannës reson may not preue oure fey,
Þat þey wole it dispreuen or denye.
To oure lorde god þat sytte in heuenes hye,
Line 334
Schal þey desyre for to ben egal?
Nay, þat was neuer, certes, ne be schal.
Line 336
(49. Beggar.)
¶ "Þát oure lord god seiþ in holy scripture [folio 7a]
Line 337
May not be fals; þis knawit euery whiȝt,
But he be mad; & þogh a creature
In his goddës werk [werkes R.] feelë not a-ryght,
Schal he rebelle ageyn his lordës myght,
Line 341
Which þat þis wydë world haþ made of noght,
ffor reson may not knytte it in his thoght?
Line 343
(50. Beggar.)
¶ "Was it not eek a moustre as in nature
Line 344
Þat god I-borë was of a virgine?
Ȝit is it soþ, þogh man be [by R.] cóniecture
Of reson, or what he can ýmagine,
Not sauoure it, ne can it détermyne.
Line 348
He þat al myghty is, doþ as hym lyste;
He wole his konnynge hydde be, & nat wyste.
Line 350
