(31. Beggar.)
¶ "Which þat þe may vnto þi wyttës lede;
Line 211
Þou [That R.] graspist heer & þere, as doþ þe blynde,
And ay mys-gost; & ȝit haue I no drede,
If þou receyuë wold in-to þi mynde
My lore, & execute it, þou schalt fynde
Line 215
Þere-in swiche esë, þat þi maladye
A-bregge it schal, & þi maléncolye.
Line 217
(32. Beggar.)
¶ "fful holsum were it, stynten of þi wo,
Line 218
And take vnto þe, spirit of gladnesse; [¶ Prouerbia. Animus gau|dens etatem floridam fa|cit; spiritus autem tristis desiccat ossa.]
What profyt fyndest þou to mournë so?
Salamon seiþ, þat sorowe & heuynesse,
Bonës of man dryeþ by his duresse,
Line 222
And hertë glad makiþ florissching age;
Þerfore I redë þou þi wo a-swage.
Line 224
(33. Beggar.)
¶ "He seiþ, 'as motthës to a cloþe annoyen, [folio 5a]
Line 225
And of his wollë maken it al bare,
And also as wormës a tre destruen
Þorogh hir percyng, riȝt so sorowe and care [¶ Item sicut tinea vesti|mento, & ver|mis ligno, &c.]
By-reuen man his helþe & his welfare,
Line 229
And his dayës a-bregge, & schorte his lyf;
lo! what profyt is for to be pensyf?
Line 231
(34. Beggar.)
¶ "Now, godë sonë, telle on þi greuaunce;
Line 232
What is þi cause of þoght in special?
Hast þou of worldly goodës hábundaunce,
And carist how þat it i-kept be schal?
Or art þou nedy, & hast nouȝt but smal,
Line 236
And thristist sore [trustest sone R.] a rychë man to be?
Or louest herë þat not loueþ þe? [Or elles lovest thou hir that loveth not the R.]
Line 238
