(19)
¶ Tyl he tooke hedë to my drery chere,
Line 127
And to my deedly colour pale & wan;
Thanne thoghte he þus:—þis man þat I se here,
Al wrong is wrestid, by oght þat [wrest by ought that R, wrestid by oght H.] I se can:
He sterte vp to [vnto R.] me, & seyde, "scleepys þou, man?
Awake!" & gan me schakë wonder faste,
And with a sigh I answerde attë laste.
Line 133
(20. Hoccleve and Beggar.)
¶ "A! who is þer?" "I," quod þis oldë greye,
Line 134
"Am heer," & he me toldë the [the R, om. H.] manere
How he spak to me, as ye herd me seye;
"O man," quoþ I, "for cristës louë dere,
¶ If þat þou wolt aght done at my preyere,
Line 138
As go þi way, talkë to me no more,
Þi wordës al annoyen me ful sore;
Line 140
(21. Hoccleve and Beggar.)
¶ "Voydë fro me; me list no compaignye; [folio 3b]
Line 141
Encressë noght my grife; I haue I-now."
¶ "My sone, hast þou good lust þi sorwe drye,
And mayst releuëd be? what man art þou?
Wirke after me! it schal be for þi prow;
Line 145
Þou nart but ȝong, and hast but litel seen,
And ful seelde is, þat ȝong folk wysë been.
Line 147
(22. Hoccleve and Beggar.)
¶ "If þat þe likë to ben esyd wel,
Line 148
As [Then R.] suffre me with þe to talke a whyle.
Art þou aght lettred?" "ya," quod I, "som dele."
"Blissed be god! þan hope I, by seint Gyle,
Þat god to þe þi wit schal reconsyle,
Line 152
Which þat me þinkeþ is fer fro þe went,
Þorgh þe assent of þi greuouse turment.
Line 154
