(11)
¶ Thus ilkë nyught I walwyd to and fro,
Line 71
Sekyng restë; but, certeynly sche
Appeerid noght, for þoght, my crewel fo,
Chaced hadde hir & slepe a-way fro me;
And for I schuldë not a-lonë be,
Line 75
Agayn my luste, Wach profrid his seruise,
And I admittid hym in heuy wyse.
Line 77
(12)
¶ So long a nyught ne felde I neuer non,
Line 78
As was þat samë to my iugëment;
Who so þat thoghty is, is wo-be-gon;
Þe þoghtful wight is vessel of turment,
Þer nys no greef to him equipolent;
Line 82
He graueþ deppest of seekenesses [sikenesses R, seekenesse H.] alle;
fful wo is him þat in swich thoght [caas R.] is falle.
Line 84
(13)
¶ What whyght þat inly pensif is, I trowe, [folio 2b]
Line 85
His moste desire is to be solitarie;
Þat þis is soþ, in my persone I knowe, [knawe H.]
ffor euere whil þat fretynge aduersarie
Myn hert[e] madë to hym tributarie,
Line 89
In sowkynge of þe fresschest of my blod,
To sorwe soule, [soole R (alone).] me thoght it dide me good. [¶ Vnde Mar|cialis Cocus: Ille dolet vere qui sine teste dolet.]
Line 91
(14)
¶ ffor þe nature of heuynesse is þis:
Line 92
If it haboundë gretly in a wight,
Þe place eschewit he where as ioye is,
ffor ioye & he not mowe accorde a-ryght;
As discordant as day is vn-to nyught,
Line 96
And honur, aduersarie is vn-to schame,
Is heuynessë [heuynes H, So heuynesse is R.] so to ioye and game.
Line 98
