(772)
¶ Now syn þe wey is open, as ye see,
Line 5398
How pees to gete in vertuous manere,
ffor loue of him þat dide vppon þe tree,
And of Mary, his blysful modir dere,
ffolweþ þat way, and your strif leye on bere;
Line 5402
Purchaseth pees by wey of marïage,
And ye þerinne schul fynden auauntage.
Line 5404
(773)
¶ Now, pees! approche, and dryue out werre & strif!
ffrenchepe! appere, and bannysshë thow hate!
Tranquillite! reuë þou [thou reve R.] ire hir lif [folio 95b]
That feruent is, and leef for to debate!
Ye thre vertuës, now late see abate
Line 5409
The malice of þe foulë vices thre,
Þat verray foos ben to al christiante.
Line 5411
(774)
¶ O cristen princes! for þe loue and awe
Line 5412
Of him þat is þe king of kingës al, [alle, falle, galle R.]
Nessheth [Softeth R.] your hertës, and to pees yow drawe!
Considereth what good may þerof fal! [alle, falle, galle R.]
The hony takiþ, and leuyth þe gal! [alle, falle, galle R.]
Line 5416
The sternë iugë in his iugëment
May doo but right for his punyschëment.
Line 5418
(775)
¶ What desobeïssance and rébellioun,
Line 5419
What wil vnbuxum, what vnkyndënesse,
May he preue in yow, þat destruccïoun
Don of men, his handwerk, soothly, I gesse.
It mostë nedës stire his rightwisnesse
Line 5423
A-geyn yow; stinteþ at his reuerence,
Sueth his grace and his beneuolence!
Line 5425
