(764)
¶ To wynnë worldly tresour and richesse,
Line 5342
Is of your strif þe [your R.] longe continuaunce;
Wherby it semeth þat ye han scantnesse
Of good, or ye konne haue no súffisaunce
Of plente; and if þér be hábundaunce
Line 5346
In youre cofres, and in your hertës nede,
Of lordly [lordes R.] cónceit may it not procede.
Line 5348
(765)
¶ Whan Alisaundre deed was, and y-graue, [in his graue R.]
Line 5349
And his toumbe óf gold wroght ful richëly,
As kyngës dignite wole axe and craue, [folio 94b]
Dyuerse philosophres droghen [drowe R, drogh H.] hem nygh
Therto; and as oon of hem stood þerby,
Line 5353
he seidë þus among þe folkës alle:—
"Seeþ swiche a chaunge is newë now byfalle! [chaunce now newe is falle R.]
(766)
¶ "This Alisaundre madë yistirday
Line 5356
Of gold his tresor, but gold makiþ now
Tresor of him, as ye be-holdë may."
An [An R, And H.] othir philosopher seide eek how
"Al þis world yistirday was nat y-now
Line 5360
To stoppen [stoppen R, stoppe H.] Alisaundres couetise,
And now thre elnes of cloþë [cloth hym do, cloþ him H.] him suffice."
Line 5362
(767)
¶ O worthi princes two, now takiþ hede!
Line 5363
As hardy, deth is yow for to assaille
As sche [he R.] dide Alisaundre, whom in drede
Hadde al þis world; what myght his force auaille
A-gayn þe deth? no thing, sanȝ faille;
Line 5367
ffor þogh þat he swerd wer [were R.] of chiualrie,
Deth threwe him doun to grounde, & lete him lye.
