(662)
¶ And syn fool large, on gold settiþ his herte [quare cum prodigus non sit amator pecunie sicut nec liberalis, de facili pro|digus fieri possit liber|alis &c.]
Line 4628
No morë þan þe liberal, þan may
ffool large into liberalite [liberalitee R, liberte H. (Scan 'libér / ali / te').] sterte
lightly ynow. [ynough R, now H.] for vertu is kynges pray,
He Auerice eschuë mot alway,
Line 4632
By causë sche more is contrarious [folio 81b]
To vertu, þan the large outragëous.
Line 4634
(663)
¶ The þriddë skile is, for a kyng is set [[R] Tercio, quia rex est positus in regno prop|ter salutem regni, & vt prosit hijs qui in regno sunt; auarus autem nulli prodest.]
Line 4635
In his remë for his peples [peples ese and R.] releef,
ffor þey schulden for hym fare þe bet;
But þe streyt chynchë qwencheþ neuere greef;
His gold is neuere saluë to myschef;
Line 4639
Only to gadre and kepe, he hym delitith;
But þe fool largë, many man profitith;
Line 4641
(664)
¶ Yit vices ben þey gretë bothë tweyne. [[R] Idem dicit quod largitas est ad similitudi|nem vaso|rum; vasa enim haben|cia os largum, abunde emit|tunt quod in eis est.]
Line 4642
O! worþy princë, take on yow largesse;
Dooth so, o gracious lord, for goddës peyne!
Largesse I-put is vnto þe liknesse
Of vessels, whos mouthës han gret wydnesse,
Line 4646
And hilde out hir licóur habundantly;
Thus seith þe philosofre trewëly.
Line 4648
(665)
¶ And in as mochil as a welle also, [[R] Cumergo tanto deceat fontem ha|bere largum os, quanto ex eo plures participare debent, tanto decet regem largiorem esse, &c.]
Line 4649
At þe whiche many folk hir water fecche,
Nedith to han the larger mouth; right so
The largesse of a kyng moot ferþer strecche,
If he of his estat any þing recche,
Line 4653
Than oþer mennës; for hir [hir, om. H R.] impotence
Strecchiþ naght so fer as his influence.
Line 4655
