(642)
There is it hidde; no sonne it seeþ, ne moone;
Line 4488
Thogh al þe world steruë schulde on a day
ffor lak of good, naght were it for to done
To borwe of hire; euere is hir answere nay;
That sche naght haþ, also sche swerith ay.
Line 4492
Hir nature is to kepe, and naght despende, [folio 79a]
And hir desir of good ne hath non ende.
Line 4494
(643)
¶ Auarice is a loue inmoderat, [¶ Scriptum est, Auaricia est amor im|moderatus adquirendi temporalia, & est pestis fere omnes homi|nes solicitans. Vnde pro|pheta ait Ieremie vjo A maiori vs|que ad min|orem omnes student Auariciam &c. [R. adds: Avaricia est ydolorum servitus.] ]
Line 4495
Richésses temporel for to purcháce;
Sche besieth hir [desireth hye R.] in euerych estat;
Sche shapith [shapeth R, shapit H.] hir al þe world to [to R, om. H.] embrace
ffro [For R, Fro H.] þe morë to þe lessë; hir trace
Line 4499
To suë, studien men, seith Ysaye,
And sche þe thraldom is of Maumetrye. [mawmetrie R, Maumetye H.]
Line 4501
(644)
¶ Sche is a couetysë éxcessyf
Line 4502
Of othres good; & of hire ownë, sche
So streit and hard is, and so rétentyf,
That it profytë may in no degree.
O auericïous, what eilith þee?
Line 4506
Þe goodës whyichë [which þat R.] ben vnto þe lent,
Why hydest þou? I-wis þou wilt be schent.
Line 4508
(645)
¶ Weenest þou þat þou doost naght wickedly,
Line 4509
Þat so many a manys sustenance
Thi self wiþ-holdest soul [so R.] ? yis, hardily.
Thow þat of richesse hast greet habundaunce, [¶ Iterum scriptum est Neque enim minus est criminis ha|benti tollere, quam cum possis & ha|bundans sis, indigentibus necessaria denegare.]
And to þe nedy yeuest no pitaunce,
Line 4513
No lesse offendist þou than he þat schakith
Men out of hire good, and from hem it takith.
