(610)
¶ And opned his dore, & dounë goth his wey.
Line 4264
And aftir blyue, out of hir bedde þei rise,
And cam doune eke: hir fadir þanken þey
Of his gode cherë, in hir bestë [best H R.] wyse,—
And al was for þe goldës couetyse,—
Line 4268
And to gon hoom, þei axid of hym leue;
Thei ben departyd, and þei þere hym leue.
Line 4270
(611)
¶ Walkyng homward, þei iangeld fast, & speeke [folio 75a]
Line 4271
Of þe golde which þei sey hir fadir haue.
Oon seyd, "I wondre ther-on;" "and I eke,"
Quod a-nothir, "for, also god me saue,
Ȝistir-day, thogh I shuld in-to my graue
Line 4275
Haue crept, I durst on it haue leyde my lyfe,
That golde with hym nought haddë [hade R, had H.] ben so ryfe."
(612)
¶ Now lat hem muse on þat, what so hem list;
Line 4278
And to hir fadir now wol I me dresse.
He al þis golde takith out of his chist,
And to þe marchaunt payde it more & lesse,
Þankyng hym often [ofte R, oft H.] of his kyndënesse;
Line 4282
And þennës goth he homë to his mete,
And to his sonnës house when he had ete.
Line 4284
(613)
¶ When he cam thidir, thei made of hym more
Line 4285
Þan þat þei werë wont, by many folde;
So gret disport þei made hym noȝt ful ȝore.
"ffadir," quod þei, "þis is your owne housholde;
In feith, þer is no þing within oure holde,
Line 4289
But it shal be at your comandëment;
Wolde god þat ye weren at [werest H, were of R.] oure assent,
Line 4291
