(554)
¶ Wratthë, þe body of man inward fretith,
Line 3872
And god þer-wiþ displesid is ful sore;
Envie also of god and man hir getith
Lik thank and ese, and schal do euermore;
And leccherie, as techiþ smertës lore,
Line 3876
The body wastith, and þe soulë grevith,
And foodë delicat þerto man meevith.
Line 3878
(555)
¶ Be-holde also, whan þat þe paunche is ful,
Line 3879
A fumë clymbith vp in-to þe heed,
And makiþ a man al lustles and al [all R, om. H.] dul;
He vexith [wexeth R.] heuy as a peece of leed.
Who-so þat þan woldë yeue him reed
Line 3883
To looke in a book of deuocïoun,
I trowe in ydel were his mocïoun.
Line 3885
(556)
¶ But conseil him to trotte vnto þe wyn,
Line 3886
And, for al his excesse and his outrage,
He þerto wole assentë wel and fyn,
And þerë wole he outen [uttre R.] his langáge,
And do to Bachus and Venus homáge; [folio 68a]
Line 3890
ffor non of hem two can be wel from othir,
Thei loue as vel [wele R.] as doth sustir & brothir.
Line 3892
(557)
And aftir moot he rownë with a pilwe,
Line 3893
His lyfles resouns þerë to despende.
We beestës resonable, allas! whi wil we
Ageyn resoun werrye, and hir offende?
O goodë [goode R, good H.] god! thy gracë to vs sende,
Line 3897
That we may fle suche superfluite,
And al þing that is foo to chastite!
Line 3899
