(550)
¶ Of babiloynë, þe kyng Baltasar, [¶ Danielis vio. Eadem nocte inter|fectus est Baltasar, Rex Caldeus, & Darius medus successit in regno, &c.]
Line 3844
Nat haddë ben I-pryuëd of his lyf,
If he of dronkenessë [drunkenesse R, dronkenes H.] hadde be war;
But for þat he þerin was défectyf,
It of his deth was verray causatyf;
Line 3848
By nyghtertale he was slayn by kyng dárie;
Thus payeth glotoun éxcesse hir salárie.
Line 3850
(551)
¶ Thorugh drunkenesse, how took his deth Nabal? [¶ Regum I. capitulo xxvo. Cor Nabal iocundum erat ebrius enim nimis, &c. Machabeo|rum xxviijo. ¶ Et cum inebriatus esset Simon & filii eius, surexit tholo|meus, &c.]
And how slow Tholome also Symoun?
Allas! þat drynkë so man seruë schal!
How leidë Lothës doghtres hem a-down
By hir fadir? whan his discrecïoun
Line 3855
Was dreynt with wyn, he with hem fleschely delte,
And þerof no thing ne wistë nor [nor R, or H.] feelte.
Line 3857
(552)
¶ How was eek Olofernë, by Iudith [¶ Genesis xixo. Veni, inebriemus eum vino, dormiamus|que cum eo, vt reseruare possimus ex patre nostro semen, &c. Iudith. capi|tulo 22o.]
Line 3858
The womman slayn, but þorugh his drunkenesse?
What prince it be, þat spotted is þerwith,
His welthe haþ but a brotil stablenesse:
Of swichë stories mo wolde I expresse, [folio 67b]
Line 3862
But for I noght ne can, I lete hem passe;
I am as lewed and dulle as is an asse.
Line 3864
(553)
¶ With litel foodë, [foode R, food H.] cóntent is natúre;
Line 3865
And bet þe body farith wiþ a lite,
Than whan it charged is out of mesúre.
Lookë what þing may þe body profite,
And þe soule in þe samë schal delite;
Line 3869
What þing þat it distempereth & dissesith,
The soule it hurteth, for it god displesith.
Line 3871
