(538)
¶ Plato, his patrimoygne and his contree [¶ De Platonis castitate.]
Line 3760
Lefte and for-sook, and dwelte in wildernesse,
ffor to restreynë fleschely nycete;
And his disciples louëd so clennesse,
And for to fallen hadden swiche gastnesse,
Line 3764
Hir eyën they out of hir heedës brente,
Lest sighte of hem, spottë myght [myght spotte R.] her entente.
(539)
¶ Demostenes his handës onës putte [¶ De Domes|tenes [Demostenis R.] casti|tate.]
Line 3767
In a wommannës bosom iapyngly,
Of facë faire, but of hir body a slutte:
"With yow to delë," seide he, "what schal I
Yow yeuë?" "xl pens," quod sche, soothly.
Line 3771
He seydë nay, so dere he byë nolde
A thyng for whiche þat him repentë [repent H, R.] schulde.
(540)
¶ I fynde, how two doughtres of a duchesse, [¶ De casti|tate duarum filiarum cuiusdam ducisse.]
Line 3774
The fleschely touches of men for to fle,
When men of Hongary hem wolde oppresse,
In cónseruynge of hir virginite,
Thei hem purveyded a good sotilte: [folio 66a]
Line 3778
Thei chiknës flesche putte vndirneþe hir pappes,
Hem to defendë from vnclenly happes.
Line 3780
(541)
¶ Be-holde, of wommen here a noble wyle!
Line 3781
In schort avisëment, who can do bet?
Bi that þis flesche þus hadde leyen a while,
And þat it was y-chaufëd wel and hete,
It stank so foulë, þat it haþ I-lette
Line 3785
Tho men, þat wery þei were of hir pray,
And fórsook þe wommen, and went hir way.
Line 3787
