(514)
¶ Humylite verray, as seith Cesárie, [¶ Cesarius. Nunquam sine caritate vera humili|tas aut fuerat aut poterat esse. ¶ Ysodorus. Nullum pre|mium cari|tati equatur, caritas enim virtutum om|nium optinet principatum. A regno dei se separant qui semetipsos a caritate dissociant.]
Line 3592
May neuere be with-outen charite;
And sche is a vertu most necessarie:
Amongës allë vertuës þat be,
Sche on hem alle opteeneth dignite.
Line 3596
They fro þe regne of god hem-self dyuyde,
That charite wayven and caste a-syde.
Line 3598
(515)
¶ Right as a man ne may nat thider goo [¶ Anselmus. Et sicut sine via nullus peruenit quo tendit, Ita, sine caritate que dicta est via ab aposto|lo, non recte ambulare possumus in via dei. ¶ Augustin|us. Habe caritatem & fac quod vis, &c.]
Line 3599
Where he purposeth hym, but if a way
Be thiderward, seint Amselm seiþ, right so,
With-outen charite, men goo ne may
Aryght vnto godward: men mowen ay
Line 3603
Doon as him list, if þei ben charitable;
But lakkynge it, is no þing profitable.
Line 3605
(516)
¶ Only keepyng of charitee vs preeveth, [folio 63a]
Line 3606
That we disciples ben of god almyghty. [¶ Gregorius in moralibus. Omnipoten|tis eterni dei nos esse dis|cipulos sola custodia cari|tatis probat. ¶ Scriptum est, Nemo quidem sanc|torum ad celestem glor|iam, nisi pacienciam seruando peruenit.]
What þing it be þat harmeth man or greueth,
By goodnesse ouercome it paciently;
No seint to heuene comyth, as rede I,
Line 3610
But by kepynge of pacïence, and how
Men may it lerë, wole I schewë yow.
Line 3612
(517)
Take heede how, whan þat crist oure sauëour
Line 3613
Was bobbid, and his visage al be-spet,
And gret despit doon him, and déshonour,
Bounden and scourgëd & greuoúsly bett,
Crownëd with thorne, naylëd to þe gybett,
Line 3617
Ȝit, for al this tormént, no word he speeke,
So was he pacïent, benigne, and meke.
Line 3619
