(506)
¶ Senek seith, how þe kyng Antigone
Line 3536
Herde onës folk speke of hym wikkedly, [¶ De benig|nitate [&] paciencia Regis Anti|gone.]
ffor ther nas [nas R, nat H.] but a curtyn, as seith he,
Twixt hym and hem; and whan hys tyme he sy,
Aside he drow the curtyn sodenly,
Line 3540
And seidë, "gooth hens, lest þe kyng yow here,
ffor þe curtyn haþ herde al your matere."
Line 3542
(507)
¶ Of duc Pisistaris eek wil I telle:
Line 3543
He hadde a freend, arispus was his name, [¶ De pacien|cia & miseri|cordia ducis pisistaris supra nomi|nati.]
Whiche onës hastily, with wordës felle
Rebukid so þis duc, þat it was schame
To heren it; and yit, with sorwe and grame,
Line 3547
He in despyt spette in þis dukës face;
And he þerto no word spak in þat place.
Line 3549
(508)
¶ He had him so in port & word and chere, [folio 62a]
Line 3550
Ryght as hym hadde be do no vilenye,
But luked forth in a freendely manere.
Now ther were in this dukës companye
His sonës two, that busked hem in hye
Line 3554
To this Arispus, and wolden ful [full R, su H.] fayn,
Nad hir fadir hem let, haue hym Islayn.
Line 3556
(509)
¶ The nextë day after, this Arispus
Line 3557
To takë gan consideracïoun
How that he to þe duke mys-bare hym thus,
And madë morë waymentacïoun
Than I can make of nominacioun [now mensioun R.] ;
Line 3561
He wolde han slayn himselfe, it is no lese,
But that this duke broughte al to rest & pees.
