(498)
¶ As this kyng onës cam to bahurim, [¶ Regum 2o. Capitulo 16. Venit ergo Rex Dauid vsque bahu|rim & ecce egrediebatur &c.]
Line 3480
Out cam þis man, malicïous Semey,
Sone of Gera, and swiche despite dide hym
And to his men, as by hym wenten they,
Castyngë stonës vnto hym alwey,
Line 3484
That wondir was; for which, on Abusay [¶ Dixit au|tem Abusay filius Saruie: Quare male|dicit canis iste? &c. Vadam & am|putabo [ca|put ejus R], ¶ Et ait Rex: 'dimitte eum vt maledicit juxta precep|tum domini. Si forte respi|ciat dominus affliccionem meam, & reddet [reddet R, reddit H.] mihi bonum pro malediccione hac hodierna &c.]
Wolde haue hym slayn; but þe kyng seidë, "nay!
(499)
¶ "Lat hym curse, aftir þe comaundëment
Line 3487
Of god; whan he seeth myn affliccïoun,
And my disese, and my grevous turment,
He wole, for þis dayës malicïoun,
Par áventurë, do me som guerdoun."
Line 3491
Thus vndirstonde I, write is in þe bible,
Whiche is a book autentik and credible.
Line 3493
(500)
¶ The paciënce of Iob, men may nat hyde, [folio 61a] [¶ De pacien|cia Regis Alexandri.]
Line 3494
The comoun voys wole algate it by-wreye;
And Alisaundre, whos fame is sprad ful wyde,
fful pacïent was, as þe bookës seye.
A sad wys knyght of his with lokkës greye,
Line 3498
Grucchynge ageyn his fleschely lustës, seide
Vnto his lord, and þus he hym vp breyde:
Line 3500
(501)
¶ "O Alisaundre! it is vncouenable,
Line 3501
The for to haue of peple regyment,
Syn þi lust, bestial and miserable,
Hath qweynt thy resoun and entendëment
So ferforth, þat the hetë violent
Line 3505
Of leccherye is in þe, lord and sire;
Repreef, I dredë, qwytë schal þin hire.
Line 3507
