(478)
¶ Of hym, his handwerk and his crëature,
Line 3340
ffor to be merciable, aright may lerne;
This lyf present schul but a whilë dure,
And lastynge it, your mercy naght ne werne,
O worthy princë, for to god eterne
Line 3344
It ful plesant is; dooth your mercy here;
ffor to late is, aftir ye goo to beere.
Line 3346
(479)
¶ Take hede, excéllent prince, of your graunt-syre, [¶ De miseri|cordia Iohan|nis ducis lancastrie, (cuius anime propicietur deus!) & de misericordia domini nostri Regis hen|rici, filii sui.]
How in his werkës he was merciáble;
He þat for mercy dydë, qwyte his hire!
He neuere was, in al his lyf, vengeáble,
But ay for-yaf the gylty and coupáble.
Line 3351
Our ligë lord your fadir, dith [doth R.] þe same;
Now folwe hem two, my lord, in goddis name!
(480)
¶ They often haddë gret cause hem to venge,
Line 3354
But hir spiritis bénigne and pesible
Thoghten þat craft vnlusty and alenge,
And fórbaar it; þei knewe it vnlisible. [folio 58b]
To mercy were hir hertës ay flexible;
Line 3358
ffor-why with mercy god schal qwyte hem wel,
Aftir þe wordës write in þe gospell. [¶ Beati misericordes &c.]
Line 3360
(481)
¶ It is to leue and deme, if a kyng schyne
Line 3361
In vertu, þat his sonë schuldë sue,
And to his fadris manerës enclyne,
And wykked teichës and vices eschue:
Thus oghte it be, this to natúre is due.
Line 3365
He mot considre of whom he took hys kynde,
And folwe his vertu, as men writen fynde.
Line 3367
