(406)
¶ When a kyng doþ his peyne and diligence,
Line 2836
His reme by lawë and reson to gye,
He stondith morë in beneualence
Of god, and more his werk shal fructifie,
And shal haue gretter mede, it is no lye,
Line 2840
Than þei þat swich a cure haue none on honde;
Thus fynde I wretyn, as I vndirstonde.
Line 2842
(407)
¶ Who-so þat in hye dignite is sette,
Line 2843
And may do greuous wrong & cruelte,
If he for-bere hem, to commend is bette,
And gretter shal his mede and meryte be,
Þen þei þat naght may kithe iniquite,
Line 2847
Ne naght may done; for were sum man [for if sum man were H, for yf sum man were H.] of myght,
Often wolde he do, grét harme and vnryght.
Line 2849
(408)
¶ Hye dignite, the philosofre writeþ, [¶ Princi|patus virum ostendit.]
Line 2850
Preueth a man, what he is in his dede.
When þat a prince in vertu him delitith,
Þen is his peple warisshëd of drede;
Then may thei sey and syng alowde, & grede,
Line 2854
"Honour, long lyfe, ioie, and cristës blyssyng,
Mot haue oure sustenour, our prince & kyng!"
(409)
¶ Whan þat an Emperour in dayës olde [folio 49b]
Line 2857
Corownëd was, aftir as blyue anone, [¶ In vita I hannis I lemosinani.]
Makers of tounbës cum vnto him sholde,
And ask him 'of what metal or what stone
His toumbe shulde ben'; & forth þei gone,
Line 2861
With swich deuyse as þe lorde list deuyse,
And vp þei make it in her bestë [best H R.] wyse.
Line 2863
