(267. Beggar and Hoccleve.)
¶ "What schal I callë þe? what is þi name?"
Line 1863
"Hoccleuë, [Occleve R.] fadir myn, men clepen me." [Hoccleve [in 1700 hand].]
"Hoccleuë, [Occleve R.] sone?" "I-wis, fadir, þat same."
"Sone, I haue herd, or this, men speke of þe; [Chaucer [in 1700 hand].]
Þou were aqueynted with Caucher, [Chaucers R.] pardee—
Line 1867
God haue his soulë best of any wyght!—
Sone, I wole holdë þe þat I haue hyght. [the hight R.]
Line 1869
(268. Beggar.)
¶ "Al-thogh þou seyë þat þou in latyn, [latyne, afyne R.]
Line 1870
Ne in frenssh nowther, canst but smal endite,
In englyssh tongë canst þou wel afyn, [latyne, afyne R.]
ffor ther-of can I eekë [Truly therof kan I R.] but a lite;
Ye [Ye R.] straw! let be! þi pennë take, and write
Line 1874
As þou canst, and þi sorowe tourne schal
Into gladnesse; I doute it naght at al.
Line 1876
(269. Beggar and Hoccleve.)
¶ "Syn þou maist nat be paied in thescheqer, [folio 34b]
Line 1877
Vnto my lord þe princë make instance
Þat þi patent in-to þe hanaper
May chaunged be." "fadir, by your suffrance,
It may not so, bi-cause of þe ordenance;
Line 1881
'Longe aftir þis schal no grant chargeable
Out passe;' fadir myn, this is no fable."
Line 1883
(270. Beggar.)
¶ "An egal change, my sonë, is in soothe
Line 1884
No charge, I wot it wel ynow in dede.
What, sonë myn! good hert take vnto þe!
Men seyn, who-so of euery grace hath drede,
Let hym beware to walk in any mede.
Line 1888
Assay! assay! þou simple-hertid goost!
What grace is shapen þe, þou naght ne woost."
