(243. Beggar.)
¶ "I, in þe bible, rede how þat abram [¶ Genesis xijo. Cum que prope esset ut ingrediretur Egiptum, dixit Saray vxori sue, "Noui quod pulcra sis mulier, & quod cum te viderunt Egipcii, dic|turi sunt, 'vxor illius es,' & inter|ficient me, & te reserua|bunt; dic ergo, obsecro, quod soror mea sis, vt bene sit mihi propter te, & viuat anima mea ob gra|ciam tui," &c.]
Line 1695
To Egipt wentë, with his wyf saray,
And whan þat þei ny vn-to Egipt cam,
Þus seyde he vnto his wyf by þe way:
'I wote wel þou art fair; it is no nay;
Line 1699
Whan þei of Egipt se þe, þei wol seye,
"Þou art his wyf," & for þe, do me deye.
Line 1701
(244. Beggar.)
¶ " 'Thei welen kyllë me and þe reserue;
Line 1702
ffor-þi, vnto hem seye, I þe be-seche,
Þou art my sustre, leste I for þe sterue;
Þus may I wel ben esyd by þi speche;
And þus þou mayste lengþë my lyf & eche.'
Line 1706
And whan þei into Egipt entred were,
Þe gipcïans [Egipciens R.] fastë behelden here,
Line 1708
(245. Beggar.)
¶ "And of hire beaute maden þei report [folio 31b]
Line 1709
To pharäo; & sche as blyue is take
In-to his hous; & done is gret comfort
Vnto Abram, for þis wommanës sake;
And grete desport and cherë men hem make. [¶ Item, eo|dem capitulo: fflagellauit autem domi|nus pharao|nem flagellis maximis, & domum eius, propter Saray vxorem Abra|ham; vocauit quoque pha|rao Abraham, eciam dixit ea: 'Quid|nam est hoc quod fecisti michi?' &c.]
Line 1713
But for saray, greuously pharäo
Punysshyd was, & eke his hous þerto.
Line 1715
(246. Beggar.)
¶ "Pharäo clepte abram, & hym abreyde:
Line 1716
'What is it þat þou hast don vn-to me?
'Why naddest þou tolde vn-to me,' he seyde,
'How þat þis womman, wyf was vnto the?
ffor what enchesoun seydestow,' quod [koth (always).] he,
Line 1720
'Sche was þy suster? takë þi wyf here,'
Quod he, 'and boþë go youre wey in fere!'
Line 1722
