(203. Beggar.)
¶ "A-dayës now, my sone, as men may se,
Line 1415
O chirche vn-to a [o R.] man may not suffise;
But algate he mote han pluralite,
Elles he can not lyuen in no wyse.
Ententifly he kepiþ his seruise
Line 1419
In courte; his labour þerë schal not moule;
But to his curë lokiþ he ful foule.
Line 1421
(204. Beggar.)
¶ "Thogh þat his chauncel roof be al to-torn,
Line 1422
And on þe hye [hye R, om. H.] auter it reyne or snewe,
He rekkiþ noght, þe cost may be for-born
Cristes hous tó repare or makë newe;
And þogh þer be ful many a vicious hewe
Line 1426
Vnder his cure, he takiþ of it no kepe,
He rekkeþ neuer how rusty ben his schepe. [shepe R, chepe H.]
Line 1428
(205. Beggar.)
¶ "The oynëment of holy sermonynge [folio 26b]
Line 1429
Hym loþ is vp-on hem [hem R, hym H.] for to despende;
Som person is so threde-bare of konnynge
Þat he can noght, þogh he hym wys pretende,
And he þat can, may not his hertë bende
Line 1433
Þer-to, but from his cure he hym absentiþ,
And what þer-of comeþ, [comeþ = comþ.] gredyliche he hentith.
(206. Beggar.)
¶ "How he despendiþ it, be as be may,
Line 1436
ffor vn-to þat am I no-þing pryuee;
But wel I wot, as nycë, fressh, and gay
Som of hem ben, as borel folkës be,
And þat vnsittynge is to hire degree;
Line 1440
Hem hoghtë [ought R, hoght H.] to be mirours of sadnesse,
And wayuë iolitee and wantonnesse.
Line 1442
