(175. Hoccleve.)
¶ "Ya, fadir myn, I am nat so perfite
Line 1219
To take it so; I haue had hábundance
Of welfare ay; and now stond in þe plite
Of scarsetee, it were a gret penance
ffor me: god scheldë me fro þat strait chance!
Line 1223
Vj marc yeerly, to scars is to sustene
The charges þat I haue, as þat I wene.
Line 1225
(176. Hoccleve.)
¶ "Tow on my distaf haue I for to spynne,
Line 1226
Morë, my fadir, þan ye wot of yit,
Which ye schal know, or þat I fro yow twynne,
Yf your good lust be for to heren it;
But, for as moche as it nat to me sit,
Line 1230
Your talë for to [to R, om. H.] interrupte or breke,
Here-after to yow wil I þer-of speke.
Line 1232
(177. Hoccleve.)
¶ "Yit o worde, fader [fader R, om. H.] ; I haue herd men seyn, [folio 23a]
Line 1233
Who-so no good hath, þat he can no good;
And þat fynde I, a plat sooth and a pleyn;
ffor al-thogh that myn heed, vndir myn hood,
Was neuere wys, yit while [while R, wil H.] it with me stood,
Line 1237
So þat I had siluer resonable,
My litil wytte was sumwhat couenable.
Line 1239
(178. Hoccleve.)
¶ "But now, for that I haue but a [but a R, a large H.] lyte,
Line 1240
And lykly am heer-aftir to han lesse,
My dul wit can to me no-thyng profyte;
I am so drad of monyës scantnesse,
That myn hert is al nakid of lightnesse.
Line 1244
Wisseth me how to gete a golden salue;
And what I haue, I wele it with yow halue."
Line 1246
