An English chronicle of the reigns of Richard II, Henry IV, Henry V, and Henry VI written before the year 1471; with an appendix, containing the 18th and 19th years of Richard II and the Parliament at Bury St. Edmund's, 25th Henry VI and supplementary additions from the Cotton. ms. chronicle called "Eulogium." Edited by John Silvester Davies.

and take, she fledde with hyr sone and viij persones in to the castelle of Hardlaghe in Wales, and as she went by Lancastreshyre, there she was robbed and dyspoyled of alle her goodes, to the valew of x.Ml. marc., as yt was sayde; and sone after she went into Scotlonde.

Thys same yeere, in the monethe of August, the kyng of Scottes beseged the castelle of Rokesburghe in Northumbreland, and on seynt Laurence day in the mornyng, er he had herde masse, he wolde haue [Ye 10 of Aw|gust. [By the hand of Stowe.] ] fyred a grete gonne for to have shot to the castelle, and the chambre of the gonne brake and slowe hym.

The xxxix. yere of kyng Harry, aboute seynt Mathews day in Septembre, the duk of Somerset came fro Guynes in to Englond. [Ye 21 of Sep|tembar. [By the hand of Stowe.] ]

And thys same yere the Tewesday the viij. day of Octobre, a [[October 8th.]] parlement was begonne at Westmynstre; and thyder came Richard duk of York, that a lytelle before was come oute of Yrlond, and was loged in the paleys, the kyng beyng there, and brak vp the dores [folio 207b] of the kynges chambre. And the kyng heryng the grete noyse [Kynge Harry forcid to for|sake his cham|bar. [By the hand of Stowe.] ] and rumore of the peple, yaafe hym place and took another chambre.

Then the seyde duk Richard, remembryng the grete and many|folde wrongys, exylys, and vylonyes, that he had suffred and be put vnto by thys seyde kyng Harry, and by hys; and also how wrongfully and vniustly he had be, and was, dyspleased and dyseased of hys ryghte enheritaunce of the reaume and croune of Englond, by violent intrusyonne of kyng Harry the iiijthe, whyche vnryghte|fully, wrongfully, and tyrannously vsurped the crowne after the dethe of kyng Rychard his cosyn, verray and ryghtfulle heyre therof, and so wrongfully holdyn from hymm, and occupyed and holde, by the sayde kyng Harry the iiijthe, the vthe, and kyng Harry the vjthe that now ys in to thys tyme; he as ryghte heyre by lynealle descens from the sayde kyng Richard, chalaunged and claymed the