wel fer ȝent by weste
to seche myne beste
Mi mete forte bydde
for so me þo bitidde [After so þ struck out MS.]
Line 1184
ich fond horn knyht stonde
to shipeward at stronde
he seide he wolde gesse
to aryue at westnesse
Line 1188
þe ship nom in to flode
wiþ me & horn þe gode
Horn by gan be sek & deȝe
& for his loue me preȝe
Line 1192
to gon wiþ þe rynge
to rymenild þe ȝynge
wel ofte he hyne keste
crist ȝeue is soule reste
Line 1196
¶ Rymenild seide at þe firste
herte nou to berste
horn worþ þe no more
þat haueþ þe pyned sore
Line 1200
Hue fel adoun a bedde [folio 90b]
ant after knyues gredde
to slein mide hire kyng loþe
& hire selue boþe
Line 1204
wiþ inne þilke nyhte
come ȝef horn ne myhte
to herte knyf hue sette
horn in is armes hire kepte [After armes erasure of one word MS.]
Line 1208
his shurte lappe he gan take
& wypede a wey þe foule blake
þat wes opon his suere
ant seide luef so dere
Line 1212
ne const þou me yknowe
ne am ich horn þyn owe
Ich horn of westnesse
in armes þou me kesse
Line 1216
yclupten & kyste
so longe so hem lyste
