leue at hyre he nom
& in to halle he com
Line 584
knyhtes eode to table
& horn eode to stable
þer he toc his gode fole
blac so euer eny cole
Line 588
wiþ armes he him sredde
ant is fole he fedde
þe fole bigon to springe
& horn murie to synge
Line 592
Horn rod one whyle
wel more þen amyle
he seh a shyp at grounde
wiþ heþene hounde
Line 596
He askede wet hue hadden
oþer to londe ladden
an hound him gan biholde
& spek wordes bolde
Line 600
þis land we wolleþ wynne
& sle þat þer bueþ inne
Horn gan is swerd gripe
ant on is arm hit wype
Line 604
þe saraȝyn he hitte so [saraȝyn] saraȝy followed by hole in MS. and mark of contraction.]
þat is hed fel to ys to
þo gonne þe houndes gone
aȝeynes Horn ys one
Line 608
He lokede on is rynge [folio 87a]
ant þohte o rymenyld þe ȝynge
he sloh þer of þe beste
an houndred at þe leste
Line 612
ne mihte no mon telle
alle þat he gon quelle
of þat þer were oryue
he lafte lut o lyue
Line 616
