we bueþ nou knyhtes ȝonge
alle to day yspronge
ant of þe mestere
hit is þe manere
Line 548
wiþ sum oþer knyhte
for his lemmon to fyþte
er ne he eny wyf take
oþer wyþ wymmon forewart make
to day so crist me blesse
Line 553
y shal do pruesse
for þi loue mid shelde
amiddewart þe felde
Line 556
ȝef ich come to lyue
ychul þe take to wyue
knyht y may yleue þe
why ant þou trewe be
Line 560
¶ haue her þis goldring
hit is ful god to þi dobbyng
ygraued is on þe rynge
rymenild þy luef þe ȝynge
Line 564
nis non betere vnder sonne
þat enymon of conne
ffor mi loue þou hit were
& on þy fynger þou hit bere
Line 568
þe ston haueþ suche grace
ne shalt þou in none place
deþ vnderfonge
ne buen yslaye wiþ wronge
Line 572
ȝef þou lokest þeran
& þenchest o þi lemman
ant sire athulf þi broþer
he shal han en oþer
Line 576
Horn crist y þe byteche
myd mourninde speche
crist þe ȝeue god endyng
& sound aȝeyn þe brynge [þe] þere MS.]
Line 580
þe knyht hire gan to cusse
& rymenild him to blesse
