MS. Harleian, 2253. British Museum, London.
[Title in a later hand?] Her bygynneþ þe geste of Kyng Horn
¶ Alle heo ben blyþe [folio 83a]
þat to my song ylyþe
a song ychulle ou singe [ou singe over an erasure MS.]
of Allof þe gode kynge
Line 4
kyng he wes by weste
þe whiles hit yleste
ant godylt his gode quene
no feyrore myhte bene
Line 8
ant huere sone hihte horn
feyrore child ne myhte be born
for reyn ne myhte by ryne
ne sonne myhte shyne
Line 12
feyrore child þen he was
bryht so euer eny glas
so whit so eny lylye flour
so rose red wes his colour
Line 16
He wes feyr & eke bold
ant of fyftene wynter old
Nis non his yliche [folio 83b]
in none kinges ryche
Line 20
tueye feren he hadde
þat he wiþ him ladde
alle richemenne sones
& alle suyþe feyre gomes
Line 24
wyþ him forte pleye
mest he louede tueye
þat on wes hoten Athulf chyld
& þat oþer ffykenyld
Line 28
