Muging king ful wele he knewe, [Muging] first g corrected out of n MS.]
Line 904
He tok him bi þe lorein newe,
Oȝain he held his stede.
Wikard com & smot him so
& seyd, 'traitour, lat þe bridel go.'
Line 908
Þe blode out after ȝede.
Horn ful trewely haþ him hiȝt,
He schal him ȝeld þat ich niȝt,
A box schal ben his mede.
Line 912
Moioun king was ful wo
Þat he hadde smiten þe pouer man so, [þe] e above line MS.]
& seyd, 'lat mi bridel be.
Wiþ þi þou lat mi bridel be, [folio 322b:2]
What so þou wilt aski me,
Line 917
Bleþelich ȝiue y þe.'
'Peter!' quaþ Horn, 'þatow wilt
ȝiue me maiden Rimnild,
Line 920
Þat is so fair & fre.'
Þe king was wroþ & rewe his ȝift:
'Þou askest wrong & no þing riȝt,
Sche may nouȝt þine be.'
Line 924
Horn seyd, 'Y sett a nett otime: [horn] n above line MS.]
ȝif ani fische is taken þer inne
Of al þis seuen ȝere,
No schal it neuer more be mine,
Line 928
Y wold it were sonken in helle pine,
Wiþ fendes fele on fere;
& ȝif it haþ ytaken nouȝt,
Y schal it loue in hertþouȝt,
Line 932
& be me leue & dere.'
Þus þai went alle ysame
Vnto þe castel wiþ gle & game;
A fole þai wende he were.
Line 936
'Of beggers mo þan sexti,'
Horn seyd, 'maister am y,
& aske þe þe mete,
Þat y mote & oþer þre
Line 940
To day in þine halle be,
When folk is gon to sete;
Þan y wil folwe þe ham,
& þat y mot wiþ þe gan
Line 944
In atte castel ȝete.'
Þe king him hiȝt sikerly:
'Þou schalt in þe halle by
To haue þere þi mete.' [þi] his MS., correction by Ritson.]
Line 948
Þer was mani riche gest
Diȝt vnto þat srely fest
Of douhti folk in lond;
Atte ȝate was strong þrast,
Line 952
Horn wald nouȝt be þe last
In for to gange.
Þe porter cald him herlot swain, [in one line MS.]
& he put him oȝain, [in one line MS.]
Line 956
Þer out for to stand.
Horn brust opon him so,
His scholder bon he brak ato,
& in anon he þrange. [þrange] r above line MS.]
Line 960
Kokes hadde þe mete grayd, [folio 323a:1]
Þe bord was sett, þe cloþ was layd;
To benche ȝede þe bold;
Þe trompes blewe, þe glewemen pleyd, [blewe] yede MS., correction by Ritson.]
Line 964
Þe bischopes had þe grace y seyd,
As miri men of molde.
Þer was mani aricheman,
Mete & drink wel gode wan
Line 968
To alle þat ete wolde.
Horn sat & litel ete,
Michel he þouȝt & more he speke,
For fole men schuld him hold.
Line 972
Þan was þe lawe, soþe to say,
Þe bride schuld þe first day
Seruen atte mete;
Hendelich þan serued scho,
Line 976
As a maiden schuld do;
Horn bigan to speke:
'Maiden, ȝif þi wille be,
To godes men schultow se, [schultow] might be read schustow MS.]
Line 980
Þou no ouȝtest hem nouȝt forȝete; [one letter erased before ouȝtest MS.]
& seþþen þe kniȝtes schul turnay,
For to loke who so may
Þe maistri of hem ȝete.'
Line 984
Forþ sche went, þat maiden fre,
& feched drink, þat men miȝt se,
To þat beggere:
