Forþi sche sent hir sond, [After sent, wiþ MS.]
Line 316
For to speke wiþ arlond,
For Horn schuld cum wiþ him.
& Arlaund him bi þouȝt,
Ȝif he horn wiþ him brouȝt,
Line 320
Lesinges schuld bi ginne;
For þi he lete horn at hame,
& toke haþerof in his name
To maiden Rimneld inne. [inne] omit MS. in supplied by Ritson, inne Michel.]
Line 324
Þe miri maiden, al so sone
As haþerof jn to chaumber come,
Sche wend, þat it wer horn.
A riche cheier was vndon,
Line 328
Þat seuien miȝt sit þer on,
In swiche craft ycorn;
A baudekin þer on was spred;
Þider þe maiden hadde hem led,
Line 332
To siten hir bi forn;
Frout & spices sche hem bede,
Wine to drink wite & rede,
Boþe of coppe & horn.
Line 336
Þan a seriaunt sche bad go,
A gentil goshauk for to ta,
Fair he was to fliȝt;
Þer wiþ herten gloues to,
Line 340
Swiche was þe maner þo,
And ȝaf Haþerof of her ȝift. [ȝif MS.]
¶ Sche wende bi Haþerof, Horn it were,
Þat loued hunting noþing more, [folio 319b:1]
On him hir loue was liȝt:
Line 345
A les of grehoundes forþ þai brouȝt,
& he forsoke & wald it nouȝt
& seyd haþerof he hiȝt
Line 348
'What euer þi name it be,
Þou schalt haue þis houndes þre,
Þat wele can take a dere;
& haþerof, for þe loue of me,
Line 352
Com to morn, & horn wiþ þe';
He lay hir hert ful nere.
¶ & Harlaund þat was hende,
Toke his leue forto wende,
Line 356
Wiþ a bliþe chere,
& com anon on þe morn,
& brouȝt wiþ him hende horn,
As ȝe may forward here.
Line 360
Þe maiden bour was fair spred,
Atired al wiþ riche webbe,
Sche haylett hem wiþ winne;
Þe mirie maiden hir biþouȝt,
Line 364
In what maner þat sche mouȝt
Trewe loue for to ginne.
Sche sett hir hem bitvene:
Þe maiden was briȝt and schene
Line 368
& comen of kinges kinne;
Anon hir selue hadde hem ledde
To sitten opon her owhen bedde,
Arlaund & Horn wiþ him.
Line 372
Hendeliche sche to hem spac,
A poumgarnet þer sche brak,
& spices dede sche calle,
Wine to drink; after þat
Line 376
Sche lete fet forþ a stede blac,
Was couered al wiþ palle,
Þe stiropes were of silke wite,
Bridel & sadel al was slike,
Line 380
& seyd, 'Horn hende in halle,
It was me told þou schult be kniȝt;
Y þe ȝif here a stede liȝt,
& a queyntise of palle.'
Line 384
'Horn,' sche seyd, 'is þi name,
An horn y schal ȝiue þe ane,
A michel & vnride,
Al yuore is þe bon, [folio 319b:2]
Line 388
Sett wiþ mani a riche ston,
To bere bi þi side.'
¶ Þe baudrike was of silk riȝt,
Þe maiden self it hadde ydiȝt,
Line 392
Layd wiþ gold for pride:
'What þat euer be wiþ me,
Horn, at þi wille schal it be,
In herd is nouȝt to hide.'
Line 396
Þan sche lete forþ bring
A swerd hongand bi aring,
To horn sche it bitauȝt;
