Wiþ in þat ich fourtenniȝt
Barouns fele & mani a kniȝt,
Al were þai redi boun;
Wiþ helme on heued & brini briȝt
Line 64
Alle were þai redi to fiȝt
& rered gonfeynoun. [gonfeynoun over an erasure MS.]
On alerton more al þai mett,
Þer were her dayes sett,
Line 68
Failed hem no roum;
Seþþen to clifland þai rade,
Þer þe danis men abade,
To fel þe feye adoun.
Line 72
In a morning þai bi gan, [morning] mornig MS.]
Of al þat day þai no blan
Þat baleful werk to wirke;
Sides þai made blo & wan,
Line 76
Þat er wer white so feþer on swan,
Swiche gamen man auȝt irke.
When þat euen bi cam,
Þe danis men were al slan: [folio 318a:1]
Line 80
It bi gan to mirke.
Who so goþ or rideþ þer bi,
Ȝete may men see þer bones ly
Bi seyn Sibiles kirke.
Line 84
Hende haþeolf, as y ȝou say,
Duelled þer þe niȝen day,
Þe folk of him was fain.
Þai toke anon þat ich pray,
Line 88
Schepe & nete þat þer slain lay,
And ȝaf it þe folk oȝain;
Armour & brini briȝt
He ȝaf to squier & to kniȝt,
Line 92
To seriaunt & to swayn;
Schipes he dede to lond drawe
& ȝaf to bond men on rawe,
For her catel was slayn.
Line 96
Þo he seye þat were wiȝt,
Wiþ helme on heued & brini briȝt
& wele couþe prike a stede,
& þo þat were douhti in fiȝt,
Line 100
Sexti dubbed he þer to kniȝt,
& ȝaf hem riche mede.
Sum baylis he made,
And sum he ȝas londes brade,
Line 104
His ȝiftes were nouȝt gnede;
& seþþen he dede chirchef make,
To sing for þe dedes sake:
God quite him his mede!
Line 108
Seþþen king haþolf fore,
For to hunten on blakeowe more
Wiþ a rout vn ride,
In fretþe & in forest þore;
Line 112
To telle þe dere strong it wore,
Þat he felled þat tide,
& anon after, wiþ outen lesing,
He held a fest at pikering,
Line 116
Þer his kniȝtes schuld ride;
& seþþen to ȝork, was nouȝt to layn,
Arlaunde com him oȝain,
& horn his sone wiþ prede.
Line 120
King haþeolf tok þe children auȝt,
Þat he had his sone bitauȝt,
& gan to wepe anon: [after weþe, sore MS.]
'Ich aue won mi fon wiþ mauȝt, [folio 318a:2]
Þat we oȝein in batayl fauȝt,
Line 125
& now þai ben al slon,
& ȝour faders ben slawe þare:
Þat of þinkeþ me ful fare
Line 128
& oþer mani on.
Þe lond þat þai held of me,
Alle y ȝiue ȝou here fre,
Ward no kepe y non.
Line 132
Wiþ Horn, mi sone, y wil ȝe be,
As ȝour faders han ben wiþ me,
& oþes ȝe schul him swere,
Þat ȝe schal neuer fram him fle,
Line 136
For gold no siluer, lond no fe,
Oȝein out londis here.'
To horn his sone he hem bi toke
& dede hem swere opon þe boke,
Line 140
Feute þai schuld him bere,
While þat þai liue miȝt,
Wiþ helme on heued & brini briȝt,
His londes for to were.
Line 144
