¶ Horn toc rymenild by honde
ant ladde hire to stronde
Line 1520
ant toc wiþ him Aþelbrus
þe gode stiward of hire fader hous
þe see bigan to flowen [folio 92b]
ant hy faste to rowen
Line 1524
hue aryueden vnder reme
in a wel seyr streme
kyng Mody wes kyng in þat lond
þat horn sloh wiþ is hond
Line 1528
Aþelbrus he made þer kyng
for his gode techyng
for sire hornes lore
he wes mad kyng þore
Line 1532
¶ Horn eode to ryue
þe wynd him con wel dryue
he aryuede in yrlonde
þer horn wo couþe er fonde
Line 1536
he made þer Aþulf chyld
wedde mayden ermenyld
ant horn com to sudenne
to is oune kenne
Line 1540
Rymenild he made þer is quene
so hit myhte bene
In trewe loue hue lyueden ay
ant wel hue loueden godes lay
Line 1544
Nou hue beoþ boþe dede
crist to heouene vs lede AmeN.
