it not, as Gregori witnessiþ, for he seiþ, þat men know not a þing [Gregori.] bifor þat he know it be feiþ; þerfor as God ȝeuiþ knowing, and techiþ al profitable þingis, and enformiþ alle and lediþ hem, for al abel are tauȝt of God, so þat man schal not stond only in þe teching of man, but in teching of God a boun man, and þan he schal vnderstond a boun his enemies, and ouer his techars, and ouer þe hold, as þe Salm seiþ, and now God ȝeuiþ his lawe in þe hertis of [Salm. cxuiijo.] men, and writiþ it in þer bowelis, and not wiþ enk, ne parchemyn, [2 Cor. iijo.] but wiþ þe Spirit of God, and kenniþ hem in al þingis, os þe prophet seiþ, and Jon in his epistil, nor forȝetiþ hem not in tyme, nor [1 Joh. iijo.] confoundiþ hem, so schuld he þe jugis, if þei bowid not from him, nor he schuld not fail to hem nowe ne more þan he dede to Salo|mon, and oþer iugis. But now for men lefun, and don domis, and not bi his Spirit, nor do not bi his counseil, but regnun and not of him, but gon bi oþer weyes, þerfor þer oune findingis begon hem aboute, and bi gernyn hem þat þey may not out, and þey bigilun oþer men. Nor sey þu not þat bi þis ani law miȝt not stond, nor no domis and polycye were for done, and misdoars schuld not be punischid: þis is not soþ; but bi þis schuld law be stablid, and ilk man schuld be suget as God biddiþ, and ilk man schuld do riȝt to oþer, and iust men schuld be holden in riȝt, and schrewis schuld be punischid as riȝt axiþ, and mikil bettar þan þei are now; for as God biddiþ þeis þingis to be don, so schuld he ȝef boþe witt and wille and miȝt þerto; and mikil bettar it schuld be þan is nowe, for now are iust men oft wrongid, and schrewis vnpunischid, and maynteynd, and born vp in iuel, boþ bi wilis, and strengþ, and falsnes, and fayntise of þeis þat schuld do riȝt; and þus synne is aggregid mani fold, and if ani haue good þer by þer falliþ vp on an oþer side to mak harmis.
And if þu sey, it semiþ þat man may juge aȝen þe innocent, bi þis God himsilf condempniþ boþ þe iust and vnpitouse, and Crist ȝaf himsilf to þe deþ. And Abraham is blessid of God, for he was
