The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

ye shall cope hit at youre cost: or els he to cope hit and to pay you xvij. li. And no peny more wol he geve. Yet ye muste geve him daies of payment, Mighelmas next comyng x. li., and the next Mighelmas after the remenaunt. And yef hit leke you that he shal have hit at this price, ye must wrete your letter to him, so that he may fille hit before holy Rode day now comyng, or els he can not fille hit alle this yere. And as for your whete there, y have made Thomas Haiward to sille hit to your most advaile, of which ye shal have enknowlich, when y come. Also your place at Clist is in divers places owver heled: wher ye wol that y shalle set workmen uppon hit or no, y wold have enknowlich. There after your comaundement will y do. Richard Wideslade willith me to pay him this quarter v. li, which he saith hit is youre covenaunt: and he wolle deliver me your Obligacion of so moche mony: and he desirith xij. s. iiij. d. for his fee at Wulston: wher ye will y shal pay him or no, y wold have enknowliche fro you, or els he shal noon have. ij lettres have y wreten unto you synne the first weke of Clene laynte: and yet had y never answer not letter fro you. For goddis sake remember ye to move my lord Markas ffor this your mersshe, so that he may directe his letter unto Thomas Hext or unto Speke, for he is my lord is Resever late made by the deth of Geffrey Bedwelle. No more to you at this tyme, but alle myghty God be ever youre gode spede. At Exeter un the vije day of April.

Ryght worshypfull Syr, and my specyall good master, I commaunde me to yow and where hyt ys so as I am enformyd þat on doctor Egge|combe, late resydencyare of Exeter, is decesyd, þe whyche hadde a benefyce callyd Ermynton in Devonshyre of your patronage, now beyng