hytt were more metely for me to have them to fferme thanne eny other manne. Ferthermore, Cosyn, as y am informed ye have labored to the gudde lorde of Ossney, stondyng Vicar of Pyrton, to have to fferme the tythes of Stande fe for a chapeleyn of yowres: whiche tyȝhe y have hadde to fferme of the seyde gudd lordes predecessour, att þat tyme Vycar of Pyrton, xlti yeres and more, and truly contented hym therfore. Ande, as me semeth, hit were more metely for me to have hytt to ferme, whyle hyt ys in my nowne grownde, thanne eny other parsone. Where|fore, Cosyn, y praye yow to shewe me yowre gudde will in thys seyde maters, and demesne me in them as ye wulde be demesned yowre selfe in case semblable, as my very trust ys in yowe, and y shall to my power do as moche for yow in tyme to com with the grace of Jhesu, who have yow in hys kepyng. Wretyn att Borstall the iiijth day Juli.
By yowre Cosyn, Syr Edmonde Rede, knyght.
To my Ryght worshypfull Cosyn, Syr William Stonor, knyght, be thys letter delyvered.
243. RICHARD, DUKE OF GLOUCESTER, TO SIR WILLIAM STONOR AND HUMPHREY FOSTER, OR FORSTER, THE ELDER. 9 JULY [? 1479]
R. Gloucestre.
The duc of Gloucestre, gret Chamberleyn, Constable, and Admirall of England.
Right trusty and well beloved, We grete you wele, and desire and hertely pray you, that incontynent after the sight herof it woll like you at this our instaunce to cause to come afore you William Idley and Elizabeth, his Suster, and demaund them the cause why they content and pay not to our right welbeloved servaunt, Anne Idley, Maistres of our Nurcery, her annuitee of v. marcs, graunted for terme of her lyff of the Manor of Drayton, and advise them, as they woll avoid our grevouse displeasure, to see her aswele þerof yerely contented as of þat she is behinde unpaied of the same. And of theire disposicions in this be|halve
