The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

mercy and our blissid lady to send your maystershipe and all youres as well to ffare as I wold myn owneselff, and to preserve you in vertuous lyffynge, and also to send you sad remembraunce off all good begynnynge, and þan with owte dowte ye shall make with Godes helpe a worship|full endynge to Godes plesour and to þe honour and worshipe off all them þat loffe you hartely. Sir, I am to bold thus to wryte, but God knowith myn hart, and som whattes I am infformed off the towardnes off your good disposision, what ye intend: I shall dayly praye hartely to God to be your good spede in all your such proffytable workes: yff ye contenew your intent ye shall be glad þerof or this day iij yere. I ffare lyke a sory pyper, whanne I begynne I can nat leve: but yit ones agayn our blissid Lord be your sped and your helpe. Le xxiiij jour de Juyn.

Be your servant Thomas Betson.

[In dorso] Sir, Remembre your maystershipe well, what ye have written off my Cossen Kateryn, truly I shall whanne I speke with hir tell hir every word, and yff I ffynd the contrarye our vycar here, so God helpe me, shall crye owte upon h[ir] within this x wekes and lesse, and by that tyme I shall be redy in every poy[nt] with Godes grace, and so I wold she were, ffor sothe ye may beleve me off it.

To the right honorable and my right spescyall good mayster, Sir William Stonor, knyght, soyt dd.

Ryght worchypffull Cossyn, I recomand me unto ȝow. And, Syr, I have hard say that ȝe schold be infformyd to take dysplessuyr with a servant off myne in Whecombe. Syr, and he hathe offendyd ȝow in eny point I scall put him under no manys correccion but ȝowris: but for the infformacion off hym that I here say schold infforme ȝow, I pray ȝow, Syr, to be hys good master. Also I here say that he shold show