The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

Ryȝthe worchypeffull cossyn, y recomaund me unto you: prayng yow that hyt lyke yow to come to London and speke wyth me and wyth my syster: and that hyt lyke yow to hye yow yn all godely hast, asse my truste ys yn yow, ffor y wolde be ago and ȝe werr y-come, for we may nat go yn-tyll ȝe come. No more unto yow, the holy Trenite have yow yn ys blessyd kepyng. Y-wryten yn hast at London.

Worschipful Maistyr, I recommend me unto your gud maisterschep, beyng reght hevy þat John Mathew is deessyd or sek, but I trust to God þat he sal do ryght weil, and so doth þe fessechan, and as þis meydsans wyryth on hym so send word agayn with his watter, and þe ffessyschan wul com to hym. Howe ye sal aply þam, and how he sal take þam ye sal knawe in þe littyl beil. Maister, I sal speke with your Maisterschip withyn few dais be þe grace of God, qwo ever preserve yow, Amen. Writtyn in hast.