The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

with my seid lord and lady for diverse grete matters and causes þat þey wolde speke unto you of. And yef ye may not come hider, þan þat ye wole find þe meane to my lord Chaunceler as to excuse my lord of his comyng not to London at þis time, like as my seid lord was wreten unto by a pryve seall whiche was delivered to him on Munday last passed at vj of þe clokke withynne night at Ewelme, which as your maystership knoweth well was right shorte warnyng, remembring þat þe more parte of my lordes servauntes were sente into Suffolk to þe houshold þere ayens Crystemasse, and þe remenaunt of his servauntes, þat were here awayting, your maystership knoweth well been forthe with my lady, my lordes wyf, into Suffolk to bringe her þider: ffor God knoweth she thought full longe from þe yonge lorde and yonge ladies here childerne, þat been þere. And so my lord might not come at London himself at þis time to his worship, and his servauntes from him: ffor I dare sey he hath here at þis day awayting uppon his lordship not a dosen persones. Nethelese with Goddes grace my seid lord purposeth and woll be and attend at þe Parlement as oþer lordes shall, ffor by þat time his seid servauntes þat be nowe absent woll be with my seid lord ayen here. Wreten in haste þis Thursday xvij day of Januare.

ABSTRACT. Letters of Attorney by Thomas Stonor of Stonor, the younger, esquire, and Sibill Breknok, daughter of David Breknok, son of John Breknok, appointing Thomas Wode to receive in their name from John Breknok, seisin of all the lands, tenements, rents, reversions and services in Hadnam, Bucks, called Pennys, which John Breknok lately had by grant and feoffment from William Chapman, in accordance with a charter granted to them by John Breknok. "Datum secundo die mensis Aprilis, anno ab inchoatione regni Henrici sexti quadragesimo nono et readempcionis sue regie potestatis anno primo." From Ancient Deeds, C. 1106. The seals are gone. In C. 5014 there is the draft of a bond by Thomas Stonor of Stonor the younger and