I can not sey. My moder, my wyf, and all my douchters, your pore kynnyswymmen, tenderly recommaundyn þem to yow, of whos prefer|ment I pray yow to haf rememberaunce, þyf eny fortune may grow in eny plase. Syr, I haf late been in the Counte of Stafford with my Cosyn John Hampton, sometyme Squier for þe body with Kynge H., and in my þer beyng he hath made estate of xl. markes of his lond, and takyn estate of me ayen ther of his lyff and of his wyffes, þe remaynder to me and to myn heyres, with all þe evydens acordyng, where of I haf the more parte at home, wyche þey schall enyoye with al oþer of my londes. Syr, when and what tyme we schall see yow and my cosyn W., I pray yow sende me worde. Syr, þat tyme I haf worde by my Cosyn Waller, brynger of þis my sympull byll, Gode Syr, whether Palmer be delynge ge ... ye, and how my Suster Swete doth. No more at þis tyme, but almythty godde have yn hys kepyng, Amen.
By your owne T. Hampton.
To my Rythe Wurshypfull Cosyn, T. Stonor, be Wylyam be þis delyveryd.
77. WARRANT FOR COLLECTION OF KING'S SILVER [c. 1465]
Stephanus Coksettur, Thomas Stokfeld, et Robertus Mercer, collectors of the Kyngges sylver chosin in þe hundird of Benfeld &c. To John Wylkys, Constabull off Ritherfeld Pippard. In þe kyngges name We commaunde yow to levey of the persones underwrityn the summes uppon them sett in all the hast possibill.
Rotherfeld Pippard. De Thoma Stonor pro decima parte terrarum et tenementorum suorum ibidem, xxxviij. s. xj. d. De Willelmo Freme, j. d. De Alicia Rolf, x. d. ob. De herede Willelmi Bryne, vij. d. De Johanne Mathew, viij. d. De Roberto Clerk, j. d. De Willelmo