The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

tyme, and before yn Abraham tyme, and yn Balky tyme the yongge, beynge Bayllys of Aylesbury, there was none payd savyng the seyd xviij. d., nodyr yet savyng the clayme that ȝe know of. Moreover, I have be at Bysschopyston with Wyllyam Gourney and he seyth that ȝe have yn Bysschopyston the iij part of a close callyd Bondmannys Wyke, and yn on othere callyd Hanketes Wyke, and yn on othere callyd the Merch Close, and in vj score acre of lond and mede: and the mede ys yn all ix acre savynge on yerd. And yf ȝe wole wyte yt, yn case yt schuld be departyd, how many acre the closys conteyn, y schall yn wrytyng send unto Yngram, and he schall convey yt unto you. Moreover Ingram hath a rentalle of me, that was made yn Abraham tyme. And yf ȝe kowde have yt of hym, ȝe schuld know all: ffor yn hys fadyr tyme, that ȝe know of, the seyd Abraham was Bayly and yn the yong dayys of the seyd man that ȝe know of. And y schall enquere more there of. No more unto youre maystyrchyp at thys tyme, but Jhesu kepe you, be your man and servaunt,

Right worshipfull maister, I comaunde me unto yov: praying yov to sende me word by your letter where ye wil come in to Devenshire to abide other no & c: and what I shall do with the corne, syder, and wyne: yf ye come nought, hit were best, me semeth, that hit were sold betyme &c. Also tenentes of Modbury, that is to sey John Torryng