The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

Thys yndentur made at Stonore the xxvijth day of December the ere of Kyng Herre the Sexte xxxixth: wytnysseth þat Thomas Stonore, Esquier, hath delyveryd to Symon Cooke yn the pariche of Newnam yn Counte of Oxford iiijxx Ewe Schepe, price the polle xij. d., for the terme of iiij ere next folowyng, peyyng erly to the sayde Thomas Stonore, esquier, at the translacyon of Synt Thomas the martyr yn Julii next folowyng after the date of thys present wrytyng xiij. s. iiij. d. st., at fest of Sent Mychell next folowyng xiij. s. iiij. d.; and after the terme of iiij ere the sayde Thomas Stonore, Esquyer, to chese whether he wol have for the sayde schepe ende of the terme the pris above rehersyd for the poll or the scheppe.

Ryȝth worchypfull maystyr, y hertyly recomaund me unto youre maistyrchyp, desyryng to here of your wele fare and prosperite, the wych God encrese. The ca[use of] my wrytyng unto your maystyrchyp at thys tyme ys thys: I have enqueryd of certen men yn Beerton and Aylesbury of all the poyntes that ȝe toke unto me on by . . . of, and of old Balky of Aylesbury y have enqueryd: and he seyth that xx yere hys fadyr held yt, os ȝe wot what y mene: and he then aftyr held xxx yere and more and never was callyd upon nodyr for sewte ne servyse, nodyr hys lord at that tyme beyng, nodyr amercyd but only in the Duke of York court, and so seyth payd never rent for the same to hym (that ȝe know of) savyng xviij. d. for an preposture, lyying in the Grene of the seyd towne that ȝe know of ayens youre close. And yn rental yn Gooldes