The York plays

Play 35

Miles 1

Sir knyghtis, take heede hydir in hye, Line 1 This dede on dergh we may noght drawe. YOee wootte youreselffe als wele as I Howe lordis and leders of owre lawe Has geven dome that this doote schall dye.

Miles 2

Sir, alle thare counsaile wele we knawe. Line 6 Sen we are comen to Caluarie Latte ilke man helpe nowe as hym awe.

Miles 3

We are alle redy, loo, Line 9 THat forward to fulfille.

Miles 4

Late here howe we schall doo, Line 11 And go we tyte thertille.

Miles 1

It may noyot helpe her for to hone Line 13 If we schall any worshippe wynne.

Miles 2

He muste be dede nedelyngis by none. Line 15

Line 15

Miles 3

THanne is goode tyme that we begynne. Line 16

Miles 4

Late dynge hym doune, than is he done- Line 17 He schall nought dere vs with his dynne.

Miles 1

He schall be sette and lerned sone, Line 19 With care to hym and all his kynne.

Miles 2

THe foulest dede of all Line 21 Shalle he dye for his dedis.

Miles 3

That menes crosse hym we schall. Line 23

Miles 4

Behalde, so right he redis. Line 24

Miles 1

Thanne to this werke vs muste take heede, Line 25 So that oure wirkyng be noght wronge.

Miles 2

None othir noote to neven is nede, Line 27 But latte vs haste hym for to hange.

Miles 3

And I haue gone for gere goode speede, Line 29 Bothe hammeres and nayles large and lange.

Miles 4

THanne may we boldely do this dede. Line 31 Commes on, late kille this traitoure strange.

Miles 1

Faire myght yoe falle in feere Line 33 THat has wrought on this wise.

Miles 2

Vs nedis nought for to lere Line 35 Suche faitoures to chastise.

Miles 3

Sen ilke a thyng es right arrayed, Line 37 The wiselier nowe wirke may we.

Miles 4

THe crosse on grounde is goodely graied Line 39 And boorede even as it awith to be.

Miles 1

Lokis that the ladde on lenghe be layde Line 41 And made me thane vnto this tree.

Miles 2

For alle his fare he schalle be flaied, Line 43 That one assaie sone schalle ye see.

Miles 3

Come forthe thou cursed knave, Line 45 Thy comforte sone schall kele.

Miles 4

Thyne hyre here schall thou haue. Line 47

Miles 1

Walkes oon-now wirke we wele. Line 48

Jesus

Almyghty God, my fadir free, Line 49 Late this materes be made in mynde: THou badde that I schulde buxsome be For Adam plyght for to be pyned. Here to dede I obblisshe me Fro that synne for to saue mankynde, And soueraynely beseke I the That thai for me may fauoure fynde. And fro the fende thame fende, So that ther saules be saffe

In welthe withouten ende- I kepe nought ellis to craue.

Miles 1

We, herke sir knyghtis, for Mahoundis bloode, Line 61 Of Adam-kynde is all his thoght.

Miles 2

THe warlowe waxis werre than woode, Line 63 THis doulfull dede ne dredith he noght.

Miles 3

THou schulde haue mynde, with mayne and moode, Line 65 Of wikkid werkis that thou haste wrought.

Miles 4

I hope that he hadde bene as goode Line 67 Haue sesed of sawes that he vppe-sought.

Miles 1

Thoo sawes schall rewe hym sore Line 69 For all his saunteryng sone.

Miles 2

Ille spede thame that hym spare Line 71 Tille he to dede be done.

Miles 3

Haue done belyue boy, and make the boune, Line 73 And bende thi bakke vnto this tree.

Miles 4

Byhalde, hymselffe has laide hym doune Line 75 In lenghe and breede as he schulde bee.

Miles 1

This traitoure here teynted of treasoune, Line 77 Gose faste and fetter hym than yoe thre; And sen he claymeth kyngdome with croune, Even as a kyng here hange schall hee.

Miles 2

Nowe, certis, I schall noyot fyne Line 81 Or his right hande be feste.

Miles 3

THe lefte hande thanne is myne- Line 83 Late see who beres hym beste.

Miles 4

Hys lymmys on lenghe than schalle I lede, Line 85 And even vnto the bore thame bringe.

Miles 1

Vnto his heede I schall take hede, Line 87 And with myne hande helpe hym to hyng.

Miles 2

Nowe sen we foure schall do this dede Line 89 And medill with this vnthrifty thyng, Late no man spare for speciall speede Tille that we haue made endyng.

Miles 3

THis forward may not faile; Line 93 Nowe are we right arraiede.

Miles 4

This boy here in oure baile Line 95 Shall bide full bittir brayde.

Miles 1

Sir knyghtis, saie, howe wirke we nowe? Line 97

Miles 2

YOis, certis, I hope I holde this hande, Line 98

Line 98 And to the boore I haue it brought Full boxumly withouten bande.

Miles 1

Strike on than harde, for hym the boght. Line 101

Miles 2

YOis, here is a stubbe will stiffely stande, Line 102 Thurgh bones and senous it schall be soght- This werke is wele, I will warande.

Miles 1

Saie sir, howe do we thore? Line 105 THis bargayne may not blynne.

Miles 3

It failis a foote and more, Line 107 THe senous are so gone ynne.

Miles 4

I hope that marke amisse be bored. Line 109

Miles 2

THan muste he bide in bittir bale. Line 110

Miles 3

In faith, it was ouere-skantely scored, Line 111 THat makis it fouly for to faile.

Miles 1

Why carpe yoe so? Faste on a corde Line 113 And tugge hym to, by toppe and taile.

Miles 3

YOa, thou comaundis lightly as a lorde; Line 115 Come helpe to haale, with ille haile.

Miles 1

Nowe certis that schall I doo- Line 117 Full snelly as a snayle

Miles 3

And I schall tacche hym too, Line 119 Full nemely with a nayle. THis werke will holde, that dar I heete, For nowe are feste faste both his hende.

Miles 4

Go we all foure thanne to his feete, Line 123 So schall oure space be spedely spende.

Miles 2

Latte see what bourde his bale myght beete, Line 125 Tharto my bakke nowe wolde I bende.

Miles 4

Owe, this werke is all vnmeete- Line 127 This boring muste all be amende.

Miles 1

A, pees man, for Mahounde, Line 129 Latte no man wotte that wondir, A roope schall rugge hym doune Yf all his synnous go asoundre.

Miles 2

THat corde full kyndely can I knytte, Line 133 THe comforte of this karle to kele.

Miles 1

Feste on thanne faste that all be fytte, Line 135 It is no force howe felle he feele.

Miles 2

Lugge on yoe both a litill yoitt. Line 137

Miles 3

I schalle nought sese, as I haue seele. Line 138

Line 138

Miles 4

And I schall fonde hym for to hitte. Line 139

Miles 2

Owe, haylle! Line 140

Miles 4

Hoo nowe, I halde it wele. Line 140

Miles 1

Haue done, dryue in that nayle, Line 141 So that no faute be foune.

Miles 4

THis wirkyng wolde noyot faile Line 143 Yf foure bullis here were boune.

Miles 1

Ther cordis haue evill encressed his paynes, Line 145 Or he wer tille the booryngis brought.

Miles 2

YOaa, assoundir are bothe synnous and veynis Line 147 On ilke a side, so haue we soughte.

Miles 3

Nowe all his gaudis nothyng hym gaynes, Line 149 His sauntering schall with bale be bought.

Miles 4

I wille goo saie to oure soueraynes Line 151 Of all this werkis howe we haue wrought.

Miles 1

Nay sirs, anothir thyng Line 153 Fallis firste to youe and me, THei badde we schulde hym hyng On heghte that men myght see.

Miles 2

We woote wele so ther wordes wore, Line 157 But sir, that dede will do vs dere.

Miles 1

It may not mende for to moote more, Line 159 THis harlotte muste be hanged here.

Miles 2

The mortaise is made fitte therfore. Line 161

Miles 3

Feste on youre fyngeres than, in feere. Line 162

Miles 4

I wene it wolle neuere come thore- Line 163 We foure rayse it noyot right to-yere.

Miles 1

Say man, whi carpis thou soo? Line 165 Thy liftyng was but light.

Miles 2

He menes ther muste be moo Line 167 To heve hym vppe on hight.

Miles 3

Now certis, I hope it schall noght nede Line 169 To calle to vs more companye. Methynke we foure schulde do this dede And bere hym to yoone hille on high.

Miles 1

It muste be done, withouten drede. Line 173 No more, but loke yoe be redy, And this parte schalle I lifte and leede; On lenghe he schalle no lenger lie. Therfore nowe makis you boune, Late bere hym to yoone hill.

Miles 4

Thanne will I bere here doune, Line 179 And tente his tase vntill.

Miles 2

We twoo schall see tille aythir side, Line 181 For ellis this werke wille wrie all wrang.

Miles 3

We are redy. Line 183

Miles 4

Gode sirs, abide, Line 183 And late me first his fete vp fang.

Miles 2

Why tente yoe so to tales this tyde? Line 185

Miles 1

Lifte vppe! Line 186

Miles 4

Latte see! Line 186

Miles 2

Owe, lifte alang. Line 186

Miles 3

Fro all this harme he schulde hym hyde Line 187 And he war God.

Miles 4

THe deuill hym hang! Line 188

Miles 1

For-grete harme haue I hente, Line 189 My schuldir is in soundre.

Miles 2

And sertis I am nere schente, Line 191 So lange haue I borne vndir.

Miles 3

This crosse and I in twoo muste twynne, Line 193 Ellis brekis my bakke in sondre sone.

Miles 4

Laye downe agayne and leue youre dynne, Line 195 THis dede for vs will neuere be done.

Miles 1

Assaie sirs, latte se yf any gynne Line 197 May helpe hym vppe withouten hone, For here schulde wight men worschippe wynne, And noght with gaudis al day to gone.

Miles 2

More wighter men than we Line 201 Full fewe I hope yoe fynde.

Miles 3

THis bargayne will noght bee, Line 203 For certis me wantis wynde.

Miles 4

So wille of werke neuere we wore- Line 205 I hope this carle some cautellis caste.

Miles 2

My bourdeyne satte me wondir soore, Line 207 Vnto the hill I myght noght laste.

Miles 1

Lifte vppe, and sone he schall be thore, Line 209 Therfore feste on youre fyngeres faste.

Miles 3

Owe, lifte! Line 211

Miles 1

We, loo! Line 211

Miles 4

A litill more. Line 211

Miles 2

Holde thanne! Line 212

Miles 1

Howe nowe? Line 212

Miles 2

THe werste is paste. Line 212

Miles 3

He weyes a wikkid weght. Line 213

Miles 2

So may we all foure saie, Line 214 Or he was heued on heght And raysed in this array.

Miles 4

He made vs stande as any stones, Line 217 So boustous was he for to bere.

Miles 1

Nowe raise hym nemely for the nonys Line 219 And sette hym be this mortas heere, And latte hym falle in alle at ones, For certis that payne schall haue no pere.

Miles 3

Heue vppe! Line 223

Miles 4

Latte doune, so all his bones Line 223 Are asoundre nowe on sides seere.

Miles 1

THis fallyng was more felle Line 225 THan all the harmes he hadde. Nowe may a man wele telle THe leste lith of this ladde.

Miles 3

Methynkith this crosse will noght abide Line 229 Ne stande stille in this morteyse yoitt.

Miles 4

Att the firste tyme was it made ouere-wyde; Line 231 THat makis it wave, thou may wele witte.

Miles 1

Itt schall be sette on ilke a side Line 233 So that it schall no forther flitte. Goode wegges schall we take this tyde And feste the foote, thanne is all fitte.

Miles 2

Here are wegges arraied Line 237 For that, both grete and smale.

Miles 3

Where are oure hameres laide Line 239 THat we schulde wirke withall?

Miles 4

We haue them here euen atte oure hande. Line 241

Miles 2

Gyffe me this wegge, I schall it in dryue. Line 242

Miles 4

Here is anodir yoitt ordande. Line 243

Miles 3

Do take it me hidir belyue. Line 244

Miles 1

Laye on thanne faste. Line 245

Miles 3

YOis, I warrande. Line 245 I thryng thame same, so motte I thryve. Nowe will this crosse full stabely stande, All-yf he raue thei will noght ryve.

Miles 1

Say sir, howe likis you nowe, Line 249 THis werke that we haue wrought?

Miles 4

We praye youe sais vs howe Line 251 YOe fele, or faynte yoe ought.

Jesus

Al men that walkis by waye or strete, Line 253 Takes tente yoe schalle no trauayle tyne. Byholdes myn heede, myn handis, and my feete, And fully feele nowe, or yoe fyne, Yf any mournyng may be meete, Or myscheue mesured vnto myne. My fadir, that alle bales may bete, Forgiffis thes men that dois me pyne.

What thei wirke wotte thai noght; Therfore, my fadir, I craue, Latte neuere ther synnys be sought, But see ther saules to saue.

Miles 1

We, harke, he jangelis like a jay. Line 265

Miles 2

Methynke he patris like a py. Line 266

Miles 3

He has ben doand all this day, Line 267 And made grete meuyng of mercy.

Miles 4

Es this the same that gune vs say Line 269 That he was Goddis sone almyghty?

Miles 1

Therfore he felis full felle affraye, Line 271 And demyd this day for to dye.

Miles 2

Vath, qui destruis templum! Line 273

Miles 3

His sawes wer so, certayne. Line 274

Miles 4

And sirs, he saide to some Line 275 He myght rayse it agayne.

Miles 1

To mustir that he hadde no myght, Line 277 For all the kautelles that he couthe kaste. All-yf he wer in worde so wight, For all his force nowe he is feste. Als Pilate demed is done and dight, Therfore I rede that we go reste.

Miles 2

THis race mon be rehersed right, Line 283 Thurgh the worlde both este and weste.

Miles 3

YOaa, late hym hynge here stille Line 285 And make mowes on the mone.

Miles 4

THanne may we wende at wille. Line 287

Miles 1

Nay goode sirs, noght so sone, Line 288 For certis vs nedis anodir note: THis kirtill wolde I of you craue.

Miles 2

Nay, nay sir, we will loke be lotte Line 291 Whilke of vs foure fallis it to haue.

Miles 3

I rede we drawe cutte for this coote- Line 293 Loo, se howe sone-alle sidis to saue.

Miles 4

The schorte cutte schall wynne, that wele yoe woote, Line 295 Whedir itt falle to knyght or knave.

Miles 1

Felowes, yoe thar noght flyte, Line 297 For this mantell is myne.

Miles 2

Goo we thanne hense tyte, Line 299 THis trauayle here we tyne &c.