The Towneley plays

Herod the Great

Nuncius

Moste myghty mahowne / meng you with myrth! Line 1 Both of burgh and of towne / by fellys and by fyrth, Line 2 Both kyng with crowne / and barons of brith, Line 3 That radly wyll rowne / many greatt grith Line 4 Shall be happ. Line 5 Take tenderly intent Line 6 what sondys ar sent, Line 7 Els harmes shall ye hent, Line 8 And lothes you to lap. Line 9 Herode, the heynd, kyng / by grace of mahowne, Line 10 Of Iury, Iourmontyng / sternly with crowne, Line 11 On lyfe that ar lyfyng / in towre and, in towne, Line 12 Gracyus you gretyng / commaundys you be bowne Line 13 At his bydyng; Line 14 luf hym with lewte, Line 15 drede hym, that doughty! Line 16 he chargys you be redy Line 17 lowly at his lykyng. Line 18 What man apon mold, / menys hym agane, Line 19 Tytt teyn shall be told,, knyght, sqwyere, or swayn; Line 20 Be he neuer so bold, / byes he that bargan, Line 21 Twelf thowsand fold, / more then I sayn Line 22

Line 22 May ye trast; Line 23 he is worthy wonderly, Line 24 Selcouthly sory; Line 25 ffor a boy that is borne her by Line 26 Standys he abast. Line 27 A kyng thay hym call / and that we deny; Line 28 how shuld, it so fall / greatt meruell haue I; Line 29 Therfor ouer all / Shall I make a cry, Line 30 That ye busk not to brall / nor lyke not to ly Line 31 This tyde; Line 32 Carpys of no kyng Line 33 Bot herode, that lordyng, Line 34 Or busk to youre beyldyng, Line 35 youre heedys for to hyde. Line 36 He is Kyng of Kyngys / Kyndly I Knowe, Line 37 Chefe lord of lordyngys / chefe leder of law, Line 38 Ther watys on his wyngys / that bold, bost wyll blaw, Line 39 Greatt dukys downe dyngys / ffor his greatt aw, Line 40 And hym lowtys. Line 41 Tuskane and turky, Line 42 All Inde and Italy, Line 43 Cecyll and surry, Line 44 Drede hym and dowtys. Line 45 ffrom paradyse to padwa / to mownt flascon; Line 46 ffrom egyp to mantua / vnto kemp towne; Line 47 ffrom sarceny to susa / to grece it abowne; Line 48 Both normondy and norwa / lowtys to his crowne; Line 49 his renowne Line 50 Can no tong tell, Line 51 ffrom heuen vnto hell; Line 52 Of hym can none spell Line 53 Bot his cosyn mahowne. Line 54 he is the worthyest of all / barnes that are borne; Line 55 ffree men ar his thrall / full teynfully torne; Line 56 Begyn he to brall / many men cach skorne; Line 57 Obey must we all / or els be ye lorne Line 58

Line 58 Att onys. Line 59 Downe dyng of youre knees, Line 60 All that hym seys, Line 61 Dysplesyd he beys, Line 62 And byrkyn many bonys. Line 63 here he commys now, I cry / that lord, I of spake; Line 64 ffast afore wyll I hy / radly on a rake, Line 65 And welcom hym worshipfully / laghyng with lake, Line 66 As he is most worthy / and knele for his sake Line 67 So low; Line 68 Downe dernly to fall, Line 69 as renk most ryall: Line 70 hayll, the worthyest of all! Line 71 to the must I bow! Line 72 hayll, luf lord! lo / thi letters haue I layde; Line 73 I haue done I couth do / and peasse haue I prayd,; Line 74 Mekyll more therto / opynly dysplayd; Line 75 Bot romoure is rasyd so / that boldly thay brade Line 76 Emangis thame; Line 77 Thay carp of a kyng, Line 78 thay seasse not sich chateryng. Line 79

Herodes

Bot I shall tame thare talkyng, Line 80 And let thame go hang thame: Line 81 Stynt, brodels, youre dyn / yei, euerychon! Line 82 I red that ye harkyn / to I be gone, Line 83 ffor if I begyn / I breke ilka bone, Line 84 And pull fro the skyn / the carcas anone, Line 85 yei, perde! Line 86 Sesse all this wonder, Line 87 and make vs no blonder, Line 88 ffor I ryfe you in sonder, Line 89 Be ye so hardy. Line 90 Peasse both yong and old / at my bydyng, I red, Line 91 ffor I haue all in wold, / in me standys lyfe and dede; Line 92 who that is so bold / I brane hym thrugh the hede; Line 93 Speke not or I haue told, / what I will in this stede; Line 94

Line 94 ye wote nott Line 95 All that I will mefe; Line 96 Styr not bot ye haue lefe, Line 97 ffor if ye do, I clefe Line 98 you small as flesh to pott. Line 99 My myrthes ar turned to teyn / my mekenes into Ire, Line 100 And all for oone I weyn / with-in I fare as fyre. Line 101 May I se hym with eyn / I shall gyf hym his hyre; Line 102 Bot I do as I meyn / I were a full lewde syre Line 103 In wonys; Line 104 had I that lad in hand, Line 105 As I am kyng in land, Line 106 I shuld with this steyll brand Line 107 Byrkyn all his bonys. Line 108 My name spryngys far and nere / the doughtyest, men me call, Line 109 That euer ran with spere / A lord and kyng ryall; Line 110 what ioy is me to here / A lad to sesse my stall! Line 111 If I this crowne may bere / that boy shall by for all. Line 112 I anger; Line 113 I wote not what dewill me alys, Line 114 Thay teyn me so with talys, Line 115 That by gottys dere nalys, Line 116 I wyll peasse no langer. Line 117 what dewill! me thynk I brast / ffor anger and for teyn; Line 118 I trow thyse kyngys be past / that here with me has beyn; Line 119 Thay promysed me full fast / or now here to be seyn, Line 120 ffor els I shuld, haue cast / an othere sleght, I weyn; Line 121 I tell you, Line 122 A boy thay sayd thay soght, Line 123 with offeryng that thay broght; Line 124 It mefys my hart right noght Line 125 To breke his nek in two. Line 126 Bot be thay past me by / by mahowne in heuen, Line 127 I shall, and that in hy / set all on sex and seuen; Line 128

Line 128 Trow ye a kyng as I / will suffre thaym to neuen Line 129 Any to haue mastry / bot my self full euen? Line 130 Nay, leyfe! Line 131 The dewill me hang and draw, Line 132 If I that losell knaw, Line 133 Bot I gyf hym a blaw, Line 134 That lyfe I shall hym reyfe. Line 135 ffor parels yit I wold, / wyst if thay were gone; Line 136 And ye therof her told / I pray you say anone, Line 137 ffor and thay be so bold, / by god that syttys in trone, Line 138 The payn can not be told, / that thay shall haue ilkon, Line 139 ffor Ire; Line 140 Sich panys hard, neuer man tell, Line 141 ffor vgly and for fell, Line 142 That lucyfere in hell Line 143 Thare bonys shall all to-tyre. Line 144

Primus Miles

Lord, thynk not ill if I / tell you how thay ar past; Line 145 I kepe not layn, truly / Syn thay cam by you last, Line 146 An othere way in hy / thay soght, & that full fast. Line 147

Herodes

why, and ar thay past me by? / we! outt! for teyn I brast! Line 148 we! fy! Line 149 ffy on the dewill! where may I byde? Line 150 Bot fyght for teyn and al to-chyde! Line 151 Thefys, I say ye shuld, haue spyde Line 152 And told, when thay went by; Line 153 ye ar knyghtys to trast! / nay, losels ye ar, and thefys; Line 154 I wote I yelde my gast / so sore my hart it grefys. Line 155

Secundus Miles

what nede you be abast? / ther ar no greatt myschefys Line 156 ffor these maters to gnast. / Line 157

Tercius Miles

why put ye sich reprefys

withoutt cause? Line 158 Thus shuld ye not thrett vs, Line 159 vngaynly to bete vs, Line 160 ye shuld not rehett vs, Line 161 withoutt othere sawes. Line 162

Herodes

ffy, losels and lyars! / lurdans ilkon! Line 163 Tratoures and well wars! / knafys, bot knyghtys none! Line 164 had ye bene woth youre eres / thus had thay not gone; Line 165 Gett I those land lepars / I breke ilka bone; Line 166 ffyrst vengeance Line 167 Shall I se on thare bonys; Line 168 If ye byde in these wonys Line 169 I shall dyng you with stonys, Line 170 yei, ditizance doutance. Line 171 I wote not where I may sytt / for anger & for teyn; Line 172 we haue not done all yit / if it be as I weyn; Line 173 ffy! dewill! now how is it? / as long as I haue eyn Line 174 I think not for to flytt / bot kyng I will be seyn Line 175 ffor euer. Line 176 Bot stand I to quart, Line 177 I tell you my hart, Line 178 I shall gar thaym start, Line 179 Or els trust me neuer. Line 180

Primus Miles

Syr, thay went sodanly / or any man wyst, Line 181 Els had mett we, yei, perdy / and may ye tryst. Line 182

Secundus Miles

So bold, nor so hardy / agans oure lyst, Line 183 was none of that company / durst mete me with fyst Line 184 ffor ferd,. Line 185

Tercius Miles

Ill durst thay abyde, Line 186 Bot ran thame to hyde; Line 187 Might I thaym haue spyde, Line 188 I had made thaym a berd. Line 189 what couth we more do / to saue youre honoure? Line 190

Primus Miles

we were redy therto / and shal be ilk howre. Line 191

Herodes

Now syn it is so / ye shall haue fauoure; Line 192 Go where ye wyll, go / by towne and by towre, Line 193

Line 193 Goys hens! Line 194 I haue maters to mell Line 195 with my preuey counsell; Line 196 Clerkys, ye bere the bell, Line 197 ye must me encense. Line 198 Oone spake in myne eere / A wonderfull talkyng, Line 199 And sayde a madyn shuld, bere / anothere to be kyng; Line 200 Syrs, I pray you inquere / in all wrytyng, Line 201 In vyrgyll, in homere / And all other thyng Line 202 Bot legende; Line 203 Sekys poece tayllys; Line 204 lefe pystyls and grales; Line 205 Mes, matyns, noght avalys, Line 206 All these I defende; Line 207 I pray you tell heyndly / now what ye fynde. Line 208

Primus Consultus

Truly, sir, prophecy / It is not blynd; Line 209 we rede thus by Isay / he shalbe so kynde, Line 210 That a madyn, sothely / which neuer synde, Line 211 Shall hym bere: Line 212 "[virgo concipiet, Line 213 Natumque pariet;"] Line 214 "[Emanuell"] is hete, Line 215 his name for to lere, Line 216 "[God is with vs,"] that is forto say. Line 217

Secundus Consultus

And othere says thus / tryst me ye may: Line 218 "[Of bedlem a gracyus / lord shall spray, Line 219 That of Iury myghtyus / kyng shalbe ay, Line 220 lord myghty; Line 221 And hym shall honoure Line 222 both kyng and emperoure."] Line 223

Herodes

why, and shuld I to hym cowre? Line 224 Nay, ther thou lyys lyghtly! Line 225 ffy! the dewill the spede / and me, bot I drynk onys! Line 226 This has thou done in dede / to anger me for the nonys: Line 227

Line 227 And thou, knafe, thou thy mede / shall haue, by cokys dere bonys! Line 228 Thou can not half thi crede! / outt, thefys, fro my wonys! Line 229 ffy, knafys! Line 230 ffy, dotty-pols, with youre bookys! Line 231 Go kast thaym in the brookys! Line 232 with sich wylys and crokys Line 233 My wytt away rafys! Line 234 hard I neuer sich a trant / that a knafe so sleght Line 235 Shuld, com lyke a sant / and refe me my right; Line 236 Nay, he shall on slant / I shall kyll hym downe stryght; Line 237 war! I say, lett me pant / now thynk I to fyght Line 238 ffor anger; Line 239 My guttys will outt thryng Line 240 Bot I this lad hyng; Line 241 withoutt I haue a vengyng, Line 242 I may lyf no langer. Line 243 Shuld a carll in a kafe / bot of oone yere age, Line 244 Thus make me to rafe? / Line 245

Primus Consultus

Syr, peasse this outrage! A-way let ye wafe / all sich langage, Line 246 youre worship to safe / is he oght bot a page Line 247 Of a yere? Line 248 we two shall hym teyn Line 249 with oure wyttys betweyn, Line 250 That, if ye do as I meyn, Line 251 he shall dy on a spere. Line 252

Secundus Consultus

ffor drede that he reyn / do as we red; Line 253 Thrug outt bedlem / and ilk othere stede, Line 254 Make knyghtys ordeyn / and put vnto dede Line 255 All knaue chyldren / of two yerys brede, Line 256 And with-in; Line 257 This chyld, may ye spyll Line 258 Thus at youre awne will. Line 259

Herodes

Now thou says here tyll Line 260 A right nobyll gyn! Line 261

Line 261 If I lyf in land / good lyfe, as I hope, Line 262 This dar I the warand / to make the Pope. Line 263 O, my hart is rysand / now in a glope! Line 264 ffor this nobyll tythand / thou shall haue a drope Line 265 Of my good grace; Line 266 Markys, rentys, and powndys, Line 267 Greatt castels & groundys; Line 268 Thrugh all sees and sandys Line 269 I gyf the the chace. Line 270 Now wyll I procede / and take veniance; Line 271 All the flowre of knyghthede / call to legeance; Line 272 Bewshere, I the byd / it may the avance. Line 273

Nuncius

lord, I shall me spede / and bryng, perchaunce, Line 274 To thy syght. Line 275 hark, knyghtys, I you bryng Line 276 here new tythyng; Line 277 vnto herode kyng Line 278 hast with all youre myght! Line 279 In all the hast that ye may / in armowre full bright, Line 280 In youre best aray / looke that ye be dight. Line 281

Primus Miles

why shuld we fray? / Line 282

Secundus Miles

this is not all right.

Tercius Miles

Syrs, withoutten delay I drede that we fight. Line 283

Nuncius

I pray you, Line 284 As fast as ye may, Line 285 com to hym this day. Line 286

Primus Miles

what, in oure best aray? Line 287

Nuncius

yei, syrs, I say you. Line 288

Secundus Miles

Somwhat is in hand / what euer it meyn. Line 289

Tercius Miles

Tarry not for to stand / ther or we haue beyn. Line 290

Nuncius

kyng herode all weldand / well be ye seyn! Line 291 youre knyghtys ar comand / in armoure full sheyn, Line 292

Line 292 At youre wyll. Line 293

Primus Miles

hayll, dughtyest of all! Line 294 we are comen at youre call Line 295 ffor to do what we shall, Line 296 youre lust to fullfyll. Line 297

Herodes

welcom, lordyngys, Iwys / both greatt and small! Line 298 The cause now is this / that I send for you all: Line 299 A lad, a knafe, borne is / that shuld, be kyng ryall; Line 300 Bot I kyll hym and his / I wote I brast my gall; Line 301 Therfor, Syrs, Line 302 Veniance shall ye take, Line 303 All for that lad, sake, Line 304 And men I shall you make Line 305 where ye com ay where, syrs. Line 306 To bedlem loke ye go / And all the coste aboute, Line 307 All knaue chyldren ye slo / and lordys, ye shalbe stoute; Line 308 Of yeres if they be two / and within, of all that rowte Line 309 On lyfe lyefe none of tho / that lygys in swedyll clowte, Line 310 I red you; Line 311 Spare no kyns bloode, Line 312 lett all ryn on floode, Line 313 If women wax woode; Line 314 I warn you, syrs, to spede you; Line 315 hens! now go youre way / that ye were thore. Line 316

Secundus Miles

I wote we make a fray / bot I wyll go before. Line 317

Tercius Miles

A, thynk, syrs, I say / I mon whett lyke a bore. Line 318

Primus Miles

Sett me before ay / good enogh for a skore; Line 319 hayll heyndly! Line 320 we shall for youre sake Line 321 make a dulfull lake. Line 322

Herodes

Now if ye me well wrake Line 323 ye shall fynd me freyndly. Line 324

Secundus Miles

Go ye now tyll oure noytt / and handyll thaym weyll. Line 325

Tercius Miles

I shall pay thaym on the cote / begyn I to reyll. Line 326

Primus Miles

hark, felose, ye dote / yonder commys vnceyll; Line 327 I hold, here a grote / she lykys me not weyll Line 328 Be we parte; Line 329 Dame, thynk it not yll, Line 330 thy knafe if I kyll. Line 331

Prima Mulier

what, thefe! agans my wyll? Line 332 lord, kepe hym in qwarte! Line 333

Primus Miles

Abyde now, abyde / no farther thou gose. Line 334

Prima Mulier

Peasse, thefe! shall I chyde / and make here a nose? Line 335

Primus Miles

I shall reyfe the thy pryde / kyll we these boyse! Line 336

Prima Mulier

Tyd may betyde / kepe well thy nose, Line 337 ffals thefe! Line 338 haue on loft on thy hode. Line 339

Primus Miles

what, hoore, art thou woode? Line 340

Prima Mulier

Outt, alas, my chyldys bloode! Line 341 Outt, for reprefe! Line 342 Alas for shame and syn / alas that I was borne! Line 343 Of wepyng who may blyn / to se hir chylde forlorne? Line 344 My comforth and my kyn / my son thus alto torne! Line 345 veniance for this syn / I cry, both euyn and morne. Line 346

Secundus Miles

well done! Line 347 Com hedyr, thou old stry! Line 348 that lad of thyne shall dy. Line 349

Secunda Mulier

Mercy, lord, I cry! Line 350 It is myn awne dere son. Line 351

Secundus Miles

No mercy thou mefe / it mendys the not, mawd! Line 352

Secunda Mulier

Then thi skalp shall I clefe! / lyst thou be clawd? Line 353 lefe, lefe, now by lefe! / Line 354

Secundus Miles

peasse, byd I, bawd!

Secunda Mulier

ffy, fy, for reprefe! fy, full of frawde! Line 355

Line 355 No man! Line 356 haue at thy tabard, Line 357 harlot and holard! Line 358 Thou shall not be sparde! Line 359 I cry and I ban! Line 360 Outt! morder! man, I say / strang tratoure & thefe! Line 361 Out! alas! and waloway! / my child that was me lefe! Line 362 My luf, my blood, my play / that neuer dyd man grefe! Line 363 Alas, alas, this day! / I wold, my hart shuld, clefe Line 364 In sonder! Line 365 veniance I cry and call, Line 366 on herode and his knyghtys all! Line 367 veniance, lord,, apon thaym fall, Line 368 And mekyll warldys wonder! Line 369

Tercius Miles

This is well wroght gere / that euer may be; Line 370 Comys hederward here! / ye nede not to fle! Line 371

Tercia Mulier

wyll ye do any dere / to my chyld, and me? Line 372

Tercius Miles

he shall dy, I the swere / his hart blood shall thou se. Line 373

Tercia Mulier

God for-bede! Line 374 Thefe! thou shedys my chyldys blood! Line 375 Out, I cry! I go near wood! Line 376 Alas! my hart is all on flood, Line 377 To se my chyld, thus blede! Line 378 By god, thou shall aby this dede that thou has done. Line 379

Tercius Miles

I red the not stry / by son and by moyn. Line 380

Tercia Mulier

haue at the, say I! / take the ther a foyn! Line 381 Out on the I cry / haue at thi groyn Line 382 An othere! Line 383 This kepe I in store. Line 384

Tercius Miles

Peasse now, no more! Line 385

Tercia Mulier

I cry and I rore, Line 386 Out on the, mans mordere! Line 387 Alas! my bab, myn Innocent / my fleshly get! for sorow Line 388 That god me derly sent / of bales who may me borow? Line 389

Line 389 Thy body is all to-rent / I cry both euen and morow, Line 390 veniance for thi blod, thus spent / out! I cry, and horow! Line 391

Primus Miles

Go lightly! Line 392 Gett out of thise wonys! Line 393 ye trattys, all at onys,- Line 394 Or by cokys dere bonys Line 395 I make you go wyghtly! Line 396 Thay ar flayd now, I wote, thay will not abyde. Line 397

Secundus Miles

lett vs ryn fote hote / now wold, I we hyde, Line 398 And tell of this lott / how we haue betyde. Line 399

Tercius Miles

Thou can do thi note / that haue I aspyde; Line 400 Go furth now, Line 401 Tell thou herode oure tayll! Line 402 ffor all oure avayll, Line 403 I tell you, saunce fayll, Line 404 he wyll vs alow. Line 405

Primus Miles

I am best of you all / and euer has bene; Line 406 The deuyll haue my saull / bot I be fyrst sene; Line 407 It fyttys me to call / my lord, as I wene. Line 408

Secundus Miles

what nedys the to brall? / be not so kene Line 409 In this anger; Line 410 I shall say thou dyd best, Line 411 saue myself, as I gest. Line 412

Primus Miles

we! that is most honest. Line 413

Tercius Miles

go, tary no langer! Line 414

Primus Miles

hayll herode, oure kyng / full glad may ye be! Line 415 Good tythyng we bryng / harkyn now to me; Line 416 we haue mayde rydyng / thrugh outt Iure: Line 417 well wyt ye oone thyng / that morderd, haue we Line 418 Many thowsandys. Line 419

Secundus Miles

I held, thaym full hote, Line 420 I payd them on the cote; Line 421 Thare dammys, I wote, Line 422 Neuer bynde them in bandys. Line 423

Tercius Miles

had ye sene how I fard / when I cam emang them! Line 424 Ther was none that I spard / bot lade on and dang them. Line 425

Line 425 I am worthy a rewarde / where I was emangys them. Line 426 I stud and I stard / no pyte to hang them Line 427 had I. Line 428

Herodes

Now, by myghty mahowne, Line 429 That is good of renowne! Line 430 If I bere this crowne Line 431 ye shall haue a lady Line 432 Ilkon to hym layd, and wed at his wyll. Line 433

Primus Miles

So haue ye lang sayde / do somwhat thertyll! Line 434

Secundus Miles

And I was neuer flayde / for good ne for yll. Line 435

Tercius Miles

ye might hold, you well payde / oure lust to fulfyll, Line 436 Thus thynk me, Line 437 with tresure vntold, Line 438 If it lyke that ye wold, Line 439 Both syluer and gold, Line 440 To gyf vs greatt plente. Line 441

Herodes

As I am kyng crownde / I thynk it good right! Line 442 Ther goys none on grownde / that has sich a wyght; Line 443 A hundreth thowsand pownde / is good wage for a knyght, Line 444 Of pennys good and rownde / now may ye go light Line 445 with store; Line 446 And ye knyghtys of oures Line 447 Shall haue castels and towres, Line 448 Both to you and to youres, Line 449 ffor now and euer more. Line 450

Primus Miles

was neuer none borne / by downes ne by dalys, Line 451 Nor yit vs beforne / that had sich avalys. Line 452

Secundus Miles

we haue castels and corne / mych gold in oure malys. Line 453

Tercius Miles

It wyll neuer be worne / withoutt any talys; Line 454 hayll heyndly! Line 455 hayll lord! hayll kyng! Line 456 we ar furth foundyng! Line 457

Herodes

Now mahowne he you bryng Line 458 where he is lord freyndly; Line 459

Line 459 Now in peasse may I stand / I thank the, mahowne! Line 460 And gyf of my lande / that longys to my crowne; Line 461 Draw therfor nerehande / both of burgh and of towne; Line 462 Markys ilkon a thowsande / when I am bowne, Line 463 Shall ye haue. Line 464 I shalbe full fayn Line 465 To gyf that I sayn! Line 466 wate when I com agayn, Line 467 And then may ye craue. Line 468 I sett by no good, / now my hart is at easse, Line 469 That I shed so mekyll blode / pes all my ryches! Line 470 ffor to se this flode / from the fote to the nese Line 471 Mefys nothing my mode / I lagh that I whese; Line 472 A, mahowne! Line 473 So light is my saull, Line 474 that all of Sugar is my gall; Line 475 I may do what I shall, Line 476 And bere vp my crowne. Line 477 I was castyn in care / so frightly afrayd, Line 478 Bot I thar not dyspare / for low is he layd Line 479 That I most dred are / so haue I hym flayd; Line 480 And els wonder ware / and so many strayd Line 481 In the strete, Line 482 That oone shuld be harmeles, Line 483 and skape away hafles, Line 484 where so many chyldes Line 485 Thare balys can not bete. Line 486 A hundreth thowsand, I watt / and fourty ar slayn, Line 487 And four thowsand; ther-at / me aght to be fayn; Line 488 Sich a morder on a flat / shall neuer be agayn. Line 489 had I had bot oone bat / at that lurdan Line 490 So yong, Line 491 It shuld, haue bene spokyn Line 492 how I had me wrokyn, Line 493 were I dede and rotyn, Line 494 with many a tong. Line 495

Line 495 Thus shall I tech knauys / ensampyll to take, Line 496 In thare wyttys that rauys / sich mastre to make; Line 497 All wantones wafys / no langage ye crak! Line 498 No sufferan you sauys / youre nekkys shall I shak Line 499 In sonder; Line 500 No kyng ye on call Line 501 Bot on herode the ryall, Line 502 Or els many oone shall Line 503 Apon youre bodys wonder. Line 504 ffor if I here it spokyn / when I com agayn, Line 505 youre branys bese brokyn / therfor be ye bayn; Line 506 Nothyng bese vnlokyn / it shalbe so playn; Line 507 Begyn I to rekyn / I thynk all dysdayn Line 508 ffor daunche. Line 509 Syrs, this is my counsell- Line 510 Bese not to cruell, Line 511 Bot adew!-to the deuyll! Line 512 I can nomore fraunch! Line 513