How a kynge shal haue hym̄ anent his Pepille. Capitulum viijm.
tO a kynge hit appendyth to honoure tho that his lawes contreuyth, Haue in reuerence folke of Relygioun, Wyse men auaunce and dyscrete; wyth thes men he sholde gladly speke, and aske of dyuers nedis and thyngis, that goode byth to know and cun, Honystly and Swetly thyngis to Enquere, and vysilie ham to answere, The moste wyse and notabill of ham moste to honnoure, euery lyke his deserte. A kynge owyth to enserche the defaute and the nede of Pouere men and myssayse, and he owyth hame helpe and Socoure, and har dyssayse hastely releue. And hit be-longyth to the Pite that a kynge Sholde haue that he Purvey of men that can har langage, that goodly can wyth tham that neddy byth Speke, and that suche a