Three prose versions of the Secreta Secretorum / edited with an introduction and notes by Robert Steele and a glossary by T. Henderson

How a kyng shalle make Sugetis. Capitulum 21m.

i Prey the, dere sone, that thou oft enquere of þe necessite of thi sugetis, and bi thi power thou helpe hem at her nede. Also thou must chese a man þat is good and trewe, and that louyth god and rightwisnes, and kan the langage of thi sugetis, to whom thou commytte thi governaunce of thi sugetis, and that he governe hem pitously and in loue; and if thou do þus, thou shalt plese thi creatoure, and he shalle kepe thi Rewme, and the gladnes of the sugetis is kept þoruȝ mercy of the kyng.