Here endyth the tretyse of Physnomye, and begynnynge the tretyce of gouernance of helthe, of the body [folio 77L] of man, aftyr Phisike. Capitulum Sexagessimum.
amonge al thynges he[l]th is moste desyrid. For a man haue nothynge, that soore seke is, that he nolde hit yeue helth forto haue and mayntene; What were wourth al the worlde to haue, and languyre by sekenysse? Sertis lytill, or noght; ffor sekenys enfebelyth not only the body, but also [folio 68b] al Wyse resoun and mynde. And therfor Hit nedyth euery man, and namely Pryncis and grete lordys, helth to haue, and bodely streynth for comyn Prowe of the Pepill; And that he cane kepe hym-selfe in helth of body, that he ne be not euer in kepynge of Phisiciens, like a chylde in warde of his tutoure. And therfor, sethyn gracious lord̛, that I, Iames aforsayde youre servaunt, haue y-translatid to youre excellence by this boke afor, the techynges, by dyuers autoriteis and ensamplis, how that ye shal kepe youre sowle fro vices and ill maners, and vertuosly to lywe: