The siege of Jerusalem

Lines 701 through 800

Twey apys at his armes to angren hym mor Line 701

Line 701 Þat renten þe rawe flesche vpon rede peces Line 702 So was he pyned fram prime with persched sides Line 703 Tille þe sonne doun souȝt in sommere-tyme Line 704 Þe lered men of þe lawe a litel bynyþe Line 705 Weren tourmented on a tre topsail walten Line 706 Knyt to euerech clerke kene corres twey Line 707 Þat alle þe cite myȝt se þe sorow þat þey dryuen Line 708 Þe jewes walten ouer þe walles for wo at þat tyme Line 709 Seuen hundred slow hem-self for sorow of her clerkes Line 710 Somme hent her heer & fram þe hed pulled Line 711 & somme [down] for deil dasch[e]de to grounde Line 712 Þe kyng lete drawen hem a-doun whan þey dede wer Line 713 Bade a bole-fur betyn to brennen þe corses Line 714 Kesten cayphas þer-yn & his clerkes twelf Line 715 & brenten euereche bon in-to þe browne askes Line 716 Suþ went to þe walle on þe wynde syde Line 717 & alle a-brod on þe burwe blewen þe powder Line 718

Line 718 Þer is doust [to] ȝour drynke a du[ke] to hem crieþ Line 719 & bade hem bible of þat broþ for þe bischopes soule Line 720 Þus ended coursed cayphas & his clerkes alle Line 721 Al to-brused myd bestes brent at þe laste Line 722 In tokne of tresoun & trey þat he wroȝt Line 723 Whan crist þrow his conseil was cacched to deþ Line 724 By þat was þe day don dym[m]ed þe skyes Line 725 Merked [þe] montayns & mores a-boute Line 726 Foules fallen to fote & her feþres r[y]s[t]en Line 727 Þe nyȝt-wacche to þe walle & waytes to blowe Line 728 Bryȝt fures a-boute betyn a-brode in þe oste Line 729 Þe kyng & his consail carpen to-gedr Line 730 Chosen chyuentayns out & chiden no mor Line 731 Bot charged þe chek-wecche & to chambr wenten Line 732 Kynges & knyȝtes to cacchen hem reste Line 733 Waspasian lyþ in his logge litel he slepiþ Line 734 Bot walwyþ & wyndiþ & waltreþ a-boute Line 735

Line 735 Ofte tourneþ for tene & on þe toun þynkeþ Line 736 Whan schadewes & schir day scheden attwynne Line 737 Leuerockes vpon lofte lyften her steuenes Line 738 Burnes busken hem out of bedde with bemes loude Line 739 Boþe blowyng on bent & on þe burwe walles Line 740 Waspasian bounys of bedde busked hym fayr Line 741 Fram þe fote to þe fourche in fyne gold cloþes Line 742 Suþ putteþ þe prince ouer his pal[l]e[n] wedes Line 743 A brynye browded þicke with a brest-plate Line 744 [þe] gra[te was] of gray steel & of gold riche Line 745 Þer-ouer he casteþ a cote colour[ede] of his armys Line 746 A grete girdel of gold with-out ger oþer Line 747 Layþ vmbe his lendis with lacchetes ynow Line 748 A bryȝt burnesched swerd he belteþ alofte Line 749

Line 749 Of pur purged gold þe pomel & þe hulte Line 750 A brod schynande scheld on scholdir he hongiþ Line 751 Bocklyd myd briȝt gold abou[t]e at þe necke Line 752 Þe glowes of gray steel þat wer with gold hemmyd Line 753 Hauleþ [ouer] harnays & his hors askeþ Line 754 Þe gold hewen helme haspeþ he blyue Line 755 With viser & with a-vental deuysed for þe nones Line 756 A croune of clene gold was closed vpon lofte Line 757 Rybaunde vmbe þe rounde helm ful of riche stones Line 758 Pyȝt prudely with perles in-to þe pur corners Line 759 & so with saphyres sett þe sydes a-boute Line 760 He strideþ on a stif stede & strikeþ ouer þe bente Line 761 Liȝt as a lyoun wer loused out of cheyne Line 762 His segges se[y]en hym alle & echon sayþ to oþer Line 763 Þis is a comlich kyng knyȝtes to lede Line 764 He boweþ to þe barres or he bide wolde Line 765 Betynge on with þe brond on þe bras rynges Line 766

Line 766 Comeþ caytifes forþ ȝe þat crist slowen Line 767 Knoweþ hym for ȝour kyng or ȝe cacche mor Line 768 Wayteþ doun fro þe walle what wo is on hande Line 769 May ȝe fecche ȝou no fode þoȝ ȝe fey worþe Line 770 & þoȝ ȝe waterles wede wynne ȝe noȝt o droppe Line 771 Þoȝ ȝe deþ scholde dey daies in ȝour lyue Line 772 Þe pale þat i piȝt haue passe hit who myȝt Line 773 Þat is so byg on þe bonke & haþ þe burowe closed Line 774 Ffourty to fyȝten aȝens fyue hundred Line 775 Þoȝ ȝe wer etnes echon in scholde [ȝ]e [tourne] Line 776 & more manschyp wer hit ȝit mercy by-seche Line 777 Þan metles marr þer no myȝt helpys Line 778 Was non þat warpiþ a word bot waytes her poyntes Line 779 Ȝif [any] stertis on st[r]ay with stones hem to kylle Line 780 Þan wroþ as a wode bore he wendeþ his bridul Line 781 Ȝif ȝe as dogges wol dey þe deuel haue þat recche Line 782 & or i wende fro þis walle ȝe schul wordes schewe Line 783

Line 783 & efte spakloker speke or y ȝour speche owene Line 784 By þat a jewe josophus þe gentyl clerke Line 785 Hadde wroȝt a wonder wyle whan hem water fayled Line 786 Made wedes of wolle in wete for to plunge Line 787 Water-waschen as þey wer & on þe walle hengen Line 788 Þe wedes dropeden doun d[r]yed ȝerne Line 789 Rich rises hem fro þe romayns byholden Line 790 Wenden wel her wedes hadde wasschyng so ryue Line 791 Þat no wye in þe wone water schold fayle Line 792 Waspasian þe wile wel ynow knewe Line 793 Loude lawȝ[eþ] þer-at & lordlynges byddis Line 794 No burne abasched be þoȝ þey þis bost make Line 795 Hit beþ bot wyles of werr for water hem fayleþ Line 796 Þan was no-þyng bot a newe note to bygynne Line 797 Assaylen on eche a side þe cite by halues Line 798 Merken myd manglouns ful vn-mete dyntes Line 799

Line 799 & myche of masouns note þey marden þat tyme Line 800