Paston letters and papers of the fifteenth century, Part I

INVENTORY OF GOODS STOLEN Soon after 1465, 10, 17

Thys be the parcellys vnderwryten of such godys as were taken and boren a-way at Haylesdon of John Pastons, hys sones, and hys seruauntys by the Duk of Suffolk seruauntys and tenauntys the xiiij day of Octobere the v yere of Kyng E. the iiijte, the whych day the place of Haylesdon was broken and pullyd dowyn, &c. In primis, there was lost of John Pastons there at that tyme in beddyng ij federbeddys wyth ij bolsters, iiij materas wyth iiij bolsters, a grete seleur wyth the testour and iiij corteyns of whyte lynen cloth, and a couerlyte of whyte worstede, longyng thereto.
Item, a seleure wyth a testour and iij corteyns of blewe bokeram wyth a coueryng of blew worstede longyng therto, v pylowys of dowyn, vj couerlytys of werk of dyuers colours, vj payre blankettys, ij payre shytes of iij webbys, ij hedshytes of ij webbys, vj payre shytes of ij webbys, ij basons of pewtere, and iij candelstykkys of latyn for the chambere. The Boteré
Item in primis, vj bord clothys, vj towellys, xij napkyns, vj candelstykkys of laton, ij saltsalers of syluer, ij saltsalers of pewtere, ij basons of pewtere wyth ij ewers, a barell of vynegere, a barell of vergyous, xij ale stondys, ij pantré knyves, a pyce of syluer, a pype for brede, a ale stole, xij spones of syluer, &c. The Browhern
Item, a grete lede to brew v comb malte wyth ons plawyng, a mayshfate, ij kylyng fates, vj kylers, ij clensyng fates, a taptrogh, a temps to clense wyth, a scyppe to bere malte, a syff to syft malte, a bultyng pype, ij knedyng fatys, a moldyng bord. The Kychyn
Item, ij dosyn pewtere vessellys, iiij grete bras pannes, iij pottys of bras, j greddyron, ij broches, j dressyng knyff, j mortere of marbell wyth a pestell, j litell panne of bras of di. galon, ij pothokys, ij rakkys of yron, ij brendelettys, a almary to kepe in mete, j axe to clyve wode, ij saltyng fatys to salte in flesh. Gere taken owte of the Chyrch
Item, in the stepell, ix sheffe arwys, ix bawys, ij handgonnes, iiij chambers for gonnys, ij mallys of lede, ij jakkys. Item, in the church, a purs and iij

gold ryngys, a colere of syluer of the Kyngys lyuery, and a nobyll of viij s. iiij d. the whych was Wykys. Item, a syde gowne of blewe of Wykys. Item, a stokk gonne wyth iij chambers. Gere taken owte of the Chauntré of Richard Calle
Item, a syde morrey gowne, a dobelet of blak satyn, a payre hosyn, a jakk, the polrondys of a payre bryganders of rede sateyn fugre. Item, a payre of large tabellys of box, price vj s. viij d.
Item, a staffe, price iij s. iiij d. Item, boke of Frensh, price iij s. iiij d. Gere taken a-way of Margeré Pastons
Item, an vnce of gold of Venyse, di. pype of gold Damask, di. vnce of gold of Gene, an vnce of sylk, a li. of threde, a close glasse of yvery, a grete combe of yueré, a fyne kerchy of fyne holond cloth, a quarter of blak velwet. Gere of Johan Gayns
Item, a ryng of gold wyth a dyamaunt, a typet of sarsenet, a nobyll of x s., a nobyll viij s. iiij d. Gere of John Wykys
Item, a dobelet of blak fusteyn, a hors harnys vj s., a gray hors price xl s., ij shertys price iiij s. Will Bedford
Item, a Normandy byll and a bawe, price of them both vj s. John Botelere
Item, a payre botys, a payre sporys, a shert, a cappe, a hatte, a dobelet, a payre hosyn, a brydell, ij cropers, v ston of woll, xxx wolfellys, a spere staff. Shepe
Item, taken a-way vppon Drayton grounde at on tyme by the baylly of Cossey and othere, cc shepe callyd hoggys. Item, at a-nothere tyme vppon the same grownd, iiijxx hoggys and xl theyves.
Item, at a-nothere tyme at Haylesdon, by the baylly of Cossey and Bottesford and othere, viijc modere shype and cccc lambes. Memorandum, a gowne of Richard Calle pris ix s., j peyre hosen iij s., j swerd iij s., ij bonetes ij s. ...j jakke xxvj s. viij d., j scherte iij s. iiij d.

Memorandum, the pullyng downe of the place at Heylesdon to the hurtes and skathes of
Item, the pullyng doune of the logge of Heylesdon.
Item, the distroynge of the waryne at Heylisdon.
Item, watt þe maner and þe warreyn is werse in ȝerly wolew.
Item, memorandum þe rydynges and costes of suthe. Memorandum þe assaw mad up-on Margery Paston, Ser Jon Paston at Heylysdon be-for þe place was pullyd. Memorandum þe inpresonment of Ser John Paston in þe Flet and in þe Kynges Benche. B This be þe parcellys of suche gere as was borun awey at Heylesdon of John Paston, hys sounys and hys seruauntys by the Duke of Suffolk seruauntys and tenauntys the xiiij day of Octobre the vte yere of Kyng E. the iiijte, þe weche day þe place of Heylesdon was brokyn and pullyd doune, &c. John Paston
Item in primis, ther was lost of beddyng ij fedrebeddys wyth þe traunsouns, iiij dongys wyth the traunsounys, a grette seloure wyth the testoure, and iij courteynes of whit leynen clothe and a whitt kouerlytt of wourstede longyng þerto. Item, a seloure wyth þe testoure and iij courteynes of blewe bokeram wyth a couerlytt of blewe wourstede longyng þerto.
Item, v pelowys of downe.
Item, vj couerlytys of werkys of dyuers colourys.
Item, vj peyre blankettys.
Item, ij peyre schetys of iij webbys and ij hedshetys of ij webbys and vj peyre schetys of ij webbys.
Item, ij basounys of pewtyre and iij candelstykys of latoun for þe chaumbre. The Boterey
Item in primis, vj borde clothys, vj towellys, xij napkynys, vj candelstykys, ij salttsalerys of syluer and ij salttsalerys of pewtyre, ij basounys, ij ewrys

pewtyre, a barell of vynegre, a barell of vergyous, xij alle stondys, ij pantré kneyuys, a pece syluer, a pyppe for bredde, an alestole, xij spones of syluer. The Brewerne
Item in primis, a grett ledde to brewe v coumbe maltt wyth onys plawyng.
Item, a macchefatt, ij geylyng fattys, vj kelers, a taptrowe, a temps to clense wyth, a sckeppe to bere maltt, a seve to syft malt, a bultyng pype, ij knedyng fattys, and a moldyng borde. The Kychyn
Item in primis, ij dozeyn pewtyre vesellys, iiij grett brasse pannys, iij pottys of brasse, j gredeyron, ij brochys, j dressyng knyff, j mortere of marble wyth a pestell, j lytell panne of brasse of di. galon, ij potthokys, ij rackys of yron, ij brenledys, an halmerrey to kepe in mette, j axe to cleyue wode, ij saltyngfattys to saltyn fleche. Gerre takyn owt of þe Chyrche
Item, in the stepull ix cheff arrowes, ij handegownes, iiij chaumbres of gouns, ij malles, ij jakkys, sawes, bremoveowes and arrowes. Item in þe chirche, a pursse wyth rynges and a colere of syluer wheche was Wekys. Item, vj bowes. Item, a stokke gounne wyth iij chaumbres.
Item, a seyde gowne of Wykys. Ser John Pastounys gere hadde owt of þe Chaumbre Furst, a seydde morrey gowne, a dowbelett of blake sateyn, a peyre hozyn, a jackke, the mahuturs of a peyre bryngaunderys of welluett, and the perhawys of þe seyd bryngaunderys. Item, a peyre of large tablys of boxe, price vj s. viij d. Item, a staffe priremovece iij s. vj d. Item, a boke of Freynsh price xv d. Margery Pastounys gere Furst, an vnce of golde of Venysse and di. pipe of golde of Damask.
Item, di. vnce of golde of Gene. Item, j vnce sylke. Item, j li. of threde.
Item, a closse glasse of yueré wyth a grett coumbe of yueré. Item, a fyne cerche of hollonde clothe. Item, a quarter of weluett.

Jone Gaynes gere Furst, a ryng of golde wyth a deamant. Item, a tepett of sarsanett.
Item, a noble of x s. Item, a noble of viij s. iiij d. John Botelerys gere Furst, a peyre botys and a peyre sporys. Item, a chirte price xij d. Item, a cappe and an hatt, a dowbelett, a peyre hozyn. Item, a brydell, ij crowperes.
Item, v ston of woulle. Item xxx woulle fellys.
Item, taken at Heylesdon and at Drayton xjc scheppe and iiijc lambes be þe balyff of Cossey Master Philipp Lippieate and othre of þe Duke of Suffolk men. Memorandum that Pers Waron saythe that ther was takyn awey by þe Duke of Suffolk men vpon Drayton gremoverownde at on tyme cc scheppe callyd hoggys.
Item, ther were takyn awey at anothire tyme vpon the same grownd iiijxx hoggys and xl theyves.
Item, at an-othyre tyme at Heylesdon viijc modrecheppe and iiijc lambes.
Item, ther be takyn at Heylesdon for grenwaxe by þe vndre-schryf farthare cij scheppe, wherof ther be iiijxx xvj ewys, xx hoggys, vj rammes. v li. iiij s. ij d.