Octovian (Lincoln, Dean, and Chapter Library, MS 91)

Lines 501 through 600

the kyng aftir hir sente Line 0501 he bad scho solde lett for no thynge Line 0502 and þe lyones with hir brynge Line 0503 to þe castelle es scho went Line 0504 when scho byfore þe kynge þer come Line 0505 he kende hir for þe emprice of rome Line 0506 and by þe hande he hir hente Line 0507 the kyng þan frayned of hir fare Line 0508 scho tolde hym of hir mekill care Line 0509 and of hir grete vnryghte Line 0510 he garte hir duelle with þe qwene stille Line 0511 scho hadd maydyns redy to will Line 0512 to serue hir bothe daye & nyghte Line 0513 the childe þat was so faire & fre Line 0514 the kyng did it crystened for to be Line 0515 octouyane it highte Line 0516 when þe childe was of elde Line 0517 that he couthe ryde & armes welde Line 0518 the kyng dubbede hym to knyghte Line 0519 the lyones þat was so wilde Line 0520 belefte with þe lady & þe childe Line 0521 hir comforthe was the more Line 0522 the lady byleued with þe qwne Line 0523 with joye & blysse þam bytwene Line 0524 to couyre hir of hir care Line 0525 ilke man hir plesyde day & nyghte Line 0526 to make hir glade with all þair myghte Line 0527 vnto hir bettur were Line 0528 in jerusalem thus gan scho duelle Line 0529 of hir oþir childe now will j telle Line 0530 that þe ape awaye bare Line 0531

Line 0531 now comes þe ape þat was wilde Line 0532 thurgh þe forest with þe childe Line 0533 ouir þe holttis so hare Line 0534 als þe ape come ouir a strete Line 0535 with a knyghte so gan scho mete Line 0536 als scho þe childe bare Line 0537 thore faghte þe knyght wondirly longe Line 0538 agayne þe ape styffe & stronge Line 0539 his swerde so brake he there Line 0540 the ape leued þe childe & away ran Line 0541 the knyght þe child son vp wan Line 0542 and with it forthe gan fare Line 0543 forthe with þe child þe knyght went þan Line 0544 in þe wode mett he owtlawes tene Line 0545 that mekill weryn of myghte Line 0546 ȝitt was neuir þe knyghte so wo Line 0547 for his swerde was brokyn in two Line 0548 that he myghte nothyng fyghte Line 0549 if all þe knyghte were kene & thro Line 0550 those owtlawes wan þe child hym fro Line 0551 þat was so swete a wyghte Line 0552 þe knyghte was wondid forsothe to saye Line 0553 vnnethes his horse bare hym awaye Line 0554 so dulefully was he dyghte Line 0555 those owtlawes sett þam on a grene Line 0556 þe child þay laide þam bytwene Line 0557 and it faste on þam loghe Line 0558 þe maystir owtlawe spake þen Line 0559 grete schame it were for hardy men Line 0560 if þay a childe sloghe Line 0561 i rede we bere it here besyde Line 0562 to þe se with mekill pride Line 0563 and do we it no woghe Line 0564 it es comyn of gentill blode Line 0565 we sall hym selle for mekill gude Line 0566 for golde & syluir enoghe Line 0567

Line 0567 two owtlawes þan made þam ȝare Line 0568 to þe grekkes se þay it bare Line 0569 þay couthe þe way full ryghte Line 0570 it was no man þat it seghe Line 0571 þat þay ne wepid with þaire eghe Line 0572 so faire it was of syghte Line 0573 a burgesse of pareche com þan nere Line 0574 had bene a palmere seuen ȝere Line 0575 clement þe velayne he hyghte Line 0576 sirris he said will ȝe þis child selle Line 0577 the golde will j for hym telle Line 0578 florence bothe brode & bryghte Line 0579 for fourty pound hym selle þay wolde Line 0580 he said full lange may ȝe hym halde Line 0581 are ȝe hym so selle may Line 0582 gode men he said be my hode Line 0583 i trowe ȝe kan ful littill gude Line 0584 swilke wordis for to saye Line 0585 golde & siluir es me bot nede Line 0586 bot twentty pownd j will ȝow bede Line 0587 and mak ȝow redy paye Line 0588 the childe þay vnto clement ȝolde Line 0589 and twentty pownde he þam tolde Line 0590 and went forthe one his waye Line 0591 clement hase þe childe boghte Line 0592 a payneȝere did he to be wroghte Line 0593 the childe jn forthe to lede Line 0594 a noresche gatt he hym also Line 0595 into fraunce with hym to go Line 0596 that ȝong childe for to fede Line 0597 home he tuke þe way ful ryghte Line 0598 and hastede hym with all his myghte Line 0599 and vnto paresche he ȝede Line 0600