¶ Capitulum l
NOw torne we fro this mater / and speke we of sir tristram of whome this booke is pryncipal of / and leue we the kynge and the quene / syr Launcelot / and syre Lamorak / and here begynneth the treason of kynge Marke that he ordeyned ageynst syr Tristram / There was cryed by the costes of Cornewaile a grete turnement and Iustes / and al was done by sir Galahalt the haut prynce / and kynge Bagdemagus to the entent to slee Launcelot or els vtterly destroye hym and shame hym / by cause sir launcelot had alweyes the hyher degree / therfore this prynce and this kynge made this Iustes ageynst sire Launcelot / And thus her coūceyll was discouerd