¶ Capitulum xviij
THenne sir Tristram dredde sore lest he were discouerd vnto the kynge that he was there / wherfore he drewe hym to the strengthe of the Toure / and armed hym in suche armour as he had to fyghte with hem that wold withstande hym / And soo whanne sire Tristram sawe / there was no resystence ageynst hym / he sente Gouernaile for his hors and his spere / and knyghtely he rode forth oute of the castel openly that was called the castel of Tyntagil / And euen atte gate he mette with Gyngalyn syr Gawayns sone / And anone sir Gyngalyn putte his spere in his reyste / and ranne vpon sire Trystram and brake his spere / and sire Tristram at that