Layamon's Brut (British Museum Ms. Cotton Otho C.XIII)

Lines 9101 through 9200

Þeos speche forþ-rihtes; i-horde þes cnihtes Line 9101 to harme hii weren lihte; and hout eode bi nihte. Line 9102 to þan ilke wille; þare hii harmes wrohte. Line 9103 Vt hii drowe sone; six ampulles. Line 9104 mid hatter ifulled; and caste hit in þan wille. Line 9105 == Line 9106 Þo weren wel bliþe; þe swikes on hire lifue. Line 9107 and forþ anon wende ne dorsten hii þare bi-lefue; Line 9108 Þo com þar forþ-rihtes; twei bourcnihtes Line 9109 and bere on hire honde; twei bolles of golde. Line 9110 Hii come to þare welle; and hire bolles fulde. Line 9111 aȝein hi gonne wende; to Vther þan kinge. Line 9112 = Line 9113 and saide to Vther; Nou we beoþ icome her. Line 9114 and we habbeþ ibroht; þat þou her bede Line 9115 cold welles water; brouket mid winne. Line 9116 Vp a-ros þe seake king. and sat on his bedde. Line 9117 of þan watere he drong; and sone gan swete. Line 9118 his heorte gan to wokie; his neb bi-gan to blokie. Line 9119 = Line 9120 Nas þar non oþer read; bote þar iwarþ þe king dead. Line 9121 and alle hii dead were; þat drongke of þan watere. Line 9122 == Line 9123 Þo wende to þan wille; cnihtes swiþe snelle. Line 9124 and þane wel dutte; mid stones and mid erþe. Line 9125 = Line 9126 Þo nemen hii alle; þane king deade. Line 9127 and forþ hine ladde into Stonhenge. Line 9128 = Line 9129 and hine þare leyde bi his leofue broþer. Line 9130 side bi side; þare hii boþe liggeþ. Line 9131 Þo comen to-gadere þe hehest of þis londe. Line 9132

Line 9132 == Line 9133 and nomen alle to reade; þat hii sende wolde; Line 9134 = Line 9135 into Britaynes lond; after Arthur þan strong. Line 9136 == Line 9137 and bidden hine sone; come to his kinedome. Line 9138 for dead was Vther Pendragon. nadde he non oþer sone. Line 9139 = Line 9140 þat mihte after his daiȝe holde Bruttus to lawe. Line 9141 mid worsipe holden; and þisne kinedom welden. Line 9142 For ȝet weren in þisse londe; Saxis at-stonde. Line 9143 Colgrim þe kene; and mani þousend of his ivere Line 9144 þat ofte oure Bruttus; makede scondes. Line 9145 Bruttus wel sone; þreo bissopes neme. Line 9146 and ridares souene. heh of wisdome. Line 9147 forþ hii gonne bouwe; in-to Brutayne. Line 9148 and hii fol sone to Arthur come. Line 9149 Hayl beo þou Arthur þe king þe gan grete. Line 9150 þo he wende solde vt of þisse lifue. Line 9151 and bad þat þou soldest; holde gode lawes. Line 9152 = Line 9153 an witie þine kinedom; so god king solde don. Line 9154 þine feond fleome. Line 9155 and beo þe nou to foltome. þane milde Godes sone. Line 9156 þat þou mote wel don; and of God vnderfon. Line 9157 for dead his Vter þe king and þou hart Arthur his [sone] Line 9158 and dead his þe oþer Aurelie his broþer. Line 9159 Þus hii gonne telle; and Arthur sat stille. Line 9160 one wile he was blac; an oþer wile he stille sat. Line 9161 = Line 9162 Þo hit alles vp brac; hit was god þat he spac. Line 9163 and þus him saide forþ-riht Arthur þe gode cniht. Line 9164 Louerd Crist Godes sone; beo me nou to foltome. Line 9165 þat ich mote on lifue gode lawes lofuie. Line 9166 Fiftene ȝer was Arthur holde; þo þes tydinge him was itold. Line 9167 and alle þe ȝeres weren wel bi-toȝe; for he was wel iþoȝe. Line 9168 Arthur forþrihtes; cleopede his cnihtes. Line 9169

Line 9169 and hehte euerech man; louie his wepne. Line 9170 and hire hors sadelie; hiȝenliche swiþe. Line 9171 for he wolde wende; to þissere londe. Line 9172 To þare see wende; selie cnihtes. Line 9173 at Mihȝeles Munte; mid mochelere ferde. Line 9174 þe see ȝam sette a þan stronde. at Suþhamtone hii come a-londe. Line 9175 Forþ hii wende rihtes; toward Cirecestres Line 9176 = Line 9177 þar was Bruttene ferde boldeliche igadered. Line 9178 Moche was þe blisse; þo Arthur com to borewe. Line 9179 = Line 9180 þar hii houen to kinge; Arthur þan ȝonge. Line 9181 Þo Arthur was king; hercne nou sellech þing. Line 9182 he was mete-cousti; to eche cwike manne. Line 9183 cniht mid þan beste wonder one kene. Line 9184 he was þan ȝonge for fader; þane holde for froure. Line 9185 and wiþ þan onwise; wonderliche steorne. Line 9186 woh him was swiþe loþ; and riht him was swiþe leof. Line 9187 === Line 9188 Nade Arthur nanne cok; þat he nas kempe god. Line 9189 = Line 9190 Þe king heold al his folk; to-gadere mid blisse. Line 9191 and mid soche þinges; he ouer-com alle ky[n]ges. Line 9192 mid reȝere strengþe; and mid richedome. Line 9193 = Line 9194 Nou was Arthur god king; and al folk hine louede. Line 9195 þat hit was widene couþ; of his kinedome. Line 9196 Þe king heold in Londene one mochele speche. Line 9197 þar-to weren ilaþed his riche cnihtes alle. Line 9198 = Line 9199 Þo þe hii were alle icome; folk onimete. Line 9200